SR E HLAHLELA NYEOE KAMORA BOITOKOLLO BA MATELA
Ka Moqolotsi oa rona
Mocheso oa polotiki o phahama letsatsi le letsatsi kamora tลกisinyo ea ho hloka tลกepo ho tona-kholo le ‘muso oa hae e ileng ea hlahleloa ke moetapele oa Basotho National Party (BNP), Machesetsa Mofomobe.
Ka la 20 Mphalane 2023, setho sa paramente sa khekhethane ho hlaha Socialist Revolutionaries (SR), ‘Mamarame Palesa Matela o ile a itokolla setulong sa paramente ‘me motsamaisi oa ntlo ea bakhethoa, Tlohang Sekhamane o ile a bala lengolo la Matela la boitokollo ka la 20 Mphalane 2023. Litaba tsa boitokollo li ka baloa ka ho penya link MONA.
Ho sa le joalo, SR e hlahletse nyeoe e batla hore Motsamaisi oa Ntlo ea Bakhethoa a thibeloe ho koala sekheo sa Matela ka ho hlapantลกa e mong monghali Chabaseile Mabusela eo ba reng ke setho sa mokha oa Movement for Economic Change (MEC).
Balli ka tlhahlamano ke Socialist Revolutionariesย (SR), Komiti e Kholo ea SR le ‘Mapali Molula. Baikarabelli, ka tlhahlamano ke Motsamaisi oa Ntlo ea Bakhethoa, Chabaseile Mabusela, Movement for Economic Change (MEC), Teboho Mojapela, Selibe Mochoboroane, Komisi e Ikemetseng ea Likhetho (IEC) hammoho le Ramolao e Moholo oa ‘Muso.
Teboho Mojapela, moetapele oa SR
Balli ba buelloa ke Adv. Fusi Sehapi a thusana le Adv. Mpeli Mohlabula. Moikarabelli oa pele o buelloa ke Adv. Thakalekoala.
Ho ea ka lipampiri tsa lekhotla, balli ba teka sello sa bona ka tsela ena: โMotsamaisi oa Ntlo ea Bakhethoa o balile lengolo la setho sa mehleng se itokollotseng e leng ‘Mamarame Palesa Matela ka la 20 Mphalane 2023.
“Motsamaisi oa Ntlo o mathuleng a ho koala sekheo sa Matela ka setho sa MEC, Chabaseile Mabusela neng kapa neng. Re beha ho lekhotla hore tlhapantลกo ea Mabusela e roba leano la tlhahlamano ea ho beha monna a hlahlangoe ke mosali mosali joalo-joalo ka phapanyetsano (Zebra Model).” balli ba rialo ba re seo ke ho ea ka molao oa likhetho le khekhethane o entsoeng ke paramente ho fa basali monyetla oa ho kena paramenteng ka khekhethane.
Adv. Fusi Sehapi o buella balli
โHa litaba li tsamaea hantle, ho ipapisitsoe le leano la khekhethane la Zebra Model, hajoale kaha setho se itokollotseng ke mosali, sekheo sa hae se lokela ho koaloa ke mosali e mong e seng monna, joalokaha re lemoha hore Motsamaisi oa Ntlo o lekhatheng la ho etsa joalo. Re batla hore sekheo sa setho sa mehleng sa SR se koaloe ka setho sa mosali sa SR.โ Balli ba phahamisa sello joalo.
Ho ea ka lithapeli tsa balli, nyeoe e lokela ho mameloa e potlakile. Ba boetse ba batla hore Motsamaisi oa Ntlo ea Bakhethoa a thibeloe ho hlapantลกa moikarabelli oa bobeli (Chabaseile Mabusela) e le ho koala sekheo sa setho se itokollotseng, ‘Mamarame Matela ho fihlela nyeoe ena e felile.
Thapeli ea boraro, ke hore IEC e laeloe ho nehelana ka lenane la khekhethane ea SR ho lekhotla.
โMolli oa boraro, ‘Mapali Molula, a phatlalatsoe e le setho se lokelang ho koala sekheo sa setho sa mehleng se itokollotseng, ‘Mamarame Matela.โ Thapeli ea bone e baleha joalo.
Ho sa le joalo, balli ba re, se ka etsoang ke hore lenane la khekhethane la SR le nkoe le se molaong kaha le tsoa tlaase tlhahlamano ea hore ho behoe monna, a leteloe ke mosali joalo-joalo. Ba re lethathamo leo ha le ele hloko ntlha ea ho fa basali monyetla ekasitana le ho hlompha teka-tekano ea bong.
Balli ba re hajoale lenane la khekhethane la SR le eme tjena: 1. Teboho Mojapela (SR), 2 ‘Mamarame Palesa Matela (SR), 3. Chabaseile Mabusela (MEC), 4. ‘Mapali Molula (SR), 5. Thabo Shao (SR).
‘Mamarame Matela, o itokollotse
Ba re lenaneng lena ho na le setho sa MEC e leng Mabusela ea ileng a kena hoba ho bile le selekane lipakeng tsa baetapele ba SR le MEC hore lebatooeng la Matelile NO. 54, Mafeteng qeto e bile hore mekha e ‘meli e voute ‘moho ho etsa tlama-thata ea ho hlola lebatooa leo. Chaseile Mabusela o tena a hlaha lenaneng la khekhethane ka lebaka la tumellano eo.ย Ho bolela balli.
Ho ea ka kopo ea balli nyeoe e ne e lokela ho mameloa ka la 25 Mphalane 2023, leha ho le joalo maqoetha a balli a ile a kopa hore e mameloe maobane ka Sontaha ‘me hoa ba joalo kaha Moahloli Molefi Makara o ile a mamela likhang tsa mahlakore ka bobeli. Khang-kholo e bile hore na lekhotla le phahameng le na le matla a ho mamela nyeoe ena kapa e lokela ho mameloa ke lekhotla la molao oa motheo.
Ho sa le joalo, kajeno moahloli Molefi Makara o fane ka taelo ea hore motsamaisi oa Ntlo ea Bakhethoa a se hlapantลกe Chabaseile Mabusela e le setho sa paramente hofihlela a fane ka kahlolo hore na Lekhotla le Phahameng le na le matla a ho mamela nyeoe ena le hore e nkoe e potlakile kapa che.
