π¨ππ π π€π’π¦π π§π’π§π ππ π¦πππππ ππ‘π
Β
La 14 Tlhakubele 2024
Ka moqolotsi oa rona
Β
Mokha oa United for Change (UFC) le moeta-pele oa oona, ‘Malichaba Lekhoaba ba ritetse nyeoe khahlanong le Motsamaisi oa Ntlo ea Bakhethoa, Tlohang Sekhamane, hammoho le moparamente ea emetseng UFC paramenteng, Mohlominyane Tota le Komisi e Ikemetseng ea Likhetho (Independent Electoral Commission – IEC). Balli ba tla buelloa ke Akhente Fusi Sehapi oa feme ea maqoetha ea Goldman Mustard Inc.
Β
Balli ba batla hore lekhotla le phatlalatse setulo sa moqosuoa oa bobeli paramenteng (Mohlominyane Tota) se na le sekheo (vacant) kamora hore a ts’ele ho tloha litulong tsa lehlakore la ‘muso ho leba litulong tsa bohanyetsi ka la 19 Hlakola 2024.
‘Malichaba Lekhoaba, moetapele oa UFC
Β
“Ka la 19 Hlakola 2024, moparamente enoa o ile a ts’ela ka paramenteg a tloha lehlakoreng la ‘muso a ts’elela bohanyetsing ho ea ka temana ea 188 (3) ea Molao oa Likhetho (National Assembly Electoral Act, 2011). Ka ho etsa joalo o bakile sekheo Ntlong ea Bakhethoa.
Β
“Setulo sa hae kapa khekhethane ea mokha se lokela ho tlatsoa ka motho e mong ea mo latelang lenaneng la khekhethane ea UFC, ke Motsamaisi oa Ntlo ea Bakhethoa ho ea ka temana ea 189 (2) ea Molao oa Likhetho (National Assembly Electoral Act, 2011).” Ho rialo lipampiri tsa qoso.
Β
Balli ba re qeto ea Motsamaisi oa Lipuisano ho lumella Tota ho ts’elela bohanyetsing ke phoso e jesetsang mokha khoebeleng joaloka maeba. Kahona ba batla hore motho ea hlahlamang Tota lenaneng la khekhethane a hlapants’oe e le eena moparamente e mocha kaha Tota o lahlile thomo eo a neng a e fuoe ho ts’ehetsa ‘muso.
Β
Nyeoe e tla mameloa Lekhotleng le Phahameng la Maseru ka la 19 Tlhakubele 2024.
Β
