”MOLAI’ OA SELEPE, MORIJA KHOTLA
Ka Moipone Makhemeng
Monna oa Mosotho oa Ha Tลกosane, Maseru haufi le Village Gate, Paballo Challa (34) o hlahile lekhotleng la ‘maseterata, Maseru kapele ho ‘maseterata Peter Morenzi a qosoa ka polao ea motho ka maikemisetso.
Mochochisi Hlojeng ha a balla Challa qoso, o bontลกitse ha a ile a bolaea e mong Tumelo Selepe ka maikemisetso ka la 28 ‘Mesa 2023 haufi kapa pela Morija Filling Station ka sethunya sa moetso oa 9mm. Qoso ha e tsoela-pele e totobalitse ha moqosuoa a ile a thunya mofu lehlakoreng le letona la hlooho le tlas’a khopo e lehlakoreng lona le letona.
Ho sa le joalo, moqosuoa o ile a bontลกa a sa utloisisi qoso kaha a itse eena ha a ka thunya empa mochochisi a mo hlalosetsa hore o ne a na le ba bang ba ileng ba thunya mofu ba ‘molaea leha bona ba atlehile ho hlanola tlhabela.
Mochochisi o bontลกitse hore Challa o ne a le teng ‘mommoring oa polao ea Selepe ‘me a hatella hore o boetse o ne a na le babelaelloa ba inneng sebono metsing nakong ea polao, kahona le eena o nkoa a thuntse mofu.
‘Maseterata Morenzi o ile a hlalosetsa moqosuoa hore o na le tokelo ea ho ikopela beile le ho ipatlela akhente. A re beile o tla e kopa Lekhotleng le Phahameng.
A boela a mo hlalosetsa hore hajoale o tla tsoa a le polokelong ea batลกoaruoa hofihlela ka la 16 Motลกeanong 2023 moo a lebeletsoeng ho itlaleha khotla hape.
Sepolesa se ile sa etsa mokhosi ka polao ena hang ha e qeta ho etsahala ka Labohlano joana:
“Banna ba tsamaeang ka koloi e ts’oeu ea Golf GTI ea linomoro tsa C 238 BBJ ba qeta ho thunya le ho bolaea motho Morija pela garage. Re kopa sechaba ho tsebisa Sepolesa moo se bonang koloi e joalo. Se ka letsetsa nomorong ea 22322099. Koloi e tlalehoa e nkile tsela ea Mafeteng.”
Hamorao sepolesa se ile sa khutla sa re koloi e nyahlalitsoe Matelile: “Re kopa ho le leboha sechaba. Koloi eane eo re neng re ntse re e batla e neng e tsamaea ka banna ba ileng ba thunya le ho bolaea motho hoseng ha kajeno e fumanehile eย nyahlalitsoe Ha Matjeka, Matelile.
