MOSEBETSI OA THOLO KHOTLA KA BOSHOLU BA LIMILONE
… O QOSOA LE PHIPHITHA EA BATHO
Ka Moipone Makhemeng
La 26 Pherekhong 2024
Mothehi oa Khoebo ea Shelly Brown ebile e le mohlanka oa k’hamphani ea mafura ea lehae, Tholo Energy PTY (Ltd), Tumisang Thahanyane (47) oa Ha Thamae, Maseru ea sebetsang e le mookameli lefapheng la lichelete (Chief Financial Officer) o hlahile ka pele ho ‘maseterata Motlatsi Kolisang oa lekhotla la ‘maseterata Maseru a qosoa ka ho utsoa ka bomenemene chelete ea k’hamphani eo e hakanyetsoang ho M40 milone.
Thahanyane o qoselletsoa le baqosuoa ba bang ba leshome le metso e supileng (17). Har’a baqosuoa ho akha lesole le lepolesa. Lethathamo la baqosuoa ka tatellano le eme tjena: Oa pele ke Tumisang Thahanyane (47) oa Ha Thamae, Maseru, Khohleleli Victor Makhetha (51) oa Ha Foso, Berea. Moqosuoa oa boraro ke Vigmo Industrial Supply e le k’hamphani ea Khohleleli Victor Makhetha.
Moqosuoa oa bone ke ‘Malerato Khutlisi (44) oa ha morena Tahleho Lichaba, Maseru ea hoebang ka k’hamphani ea Shelly Brown Car Wash and Refreshments. Oa bohlano ke Mabolae Mahase (45) oa Ha Thetsane, Maseru, Lisebo Sephehakhang (42) oa Mazenod, Ha Paki, Maseru, Siene Ratšiu (29) oa Upper Thamae, Maseru, Lehlohonolo Teba (39) oa Khubelu, Ha Abia, City Metal ke k’hamphani ea Lehlohonolo Teba, Ntaso Khanyapa oa Ha Motloheloa, Maseru, Moratuoa Hlongwa (43), oa Katlehong, Maseru, Talenta Masatsoa (39) oa Ha Tikoe, Maseru ebile ke monga k’hamphani ea Creative Holdings
Thabana Thabana (31) oa Matholeng, Mafeteng ebile ke setho sa sepolesa, Lineo Khotšeng (31) oa Khubetsoana, Berea ea sebetsang Tholo Energy e le ofisiri e kholo ea lichelete (Senior Accountant), ‘Mamachoba Machoba (36) oa Matala Phase I ea sebetsang bankeng ea First National Bank, Lesotho, Tloaelo Khutlisi oa Rothe, Maseru, Mats’epo Jonase (33) oa Semonkong eo e leng lesole la Lesotho, Ntsane Nyai (34) oa Qoaling Maseru, Earthly Market ke k’hamphani Ntsane Nyai le Lereko Matlotlo (36) oa Thabaneng Mafeteng eo e leng setho sa sesole sa Lesotho.
Baqosuoa ka tatellano, Oa pele ke Tumisang Thahanyane (47) oa Ha Thamae, Maseru, Khohleleli Victor Makhetha (51) oa Ha Foso, Berea. Moqosuoa oa boraro ke Victor Construction e le k’hamphani ea Khohleleli Victor Makhetha.
Moqosuoa oa bone ke ‘Malerato Khutlisi (44) oa ha morena Tahleho Lichaba, Maseru ea hoebang ka k’hamphni ea Shelly Brown Car Wash and Refreshments. Oa bohlano ke Mabolae Mahase (45) oa Ha Thetsane, Maseru, Lisebo Sephehakahng (42) oa Mazenod, Ha Paki, Maseru, Siene Ratšiu (29) oa Upper Thamae, Maseru, Lehlohonolo Teba (39) Khubelu, Ha Abia, City Metal ke k’hamphani ea Lehlohonolo Teba, Ntaso Khanyapa oa Ha Motloheloa, Maseru, Moratuoa Hlongwa (43), oa Katlehong, Maseru, Talenta Masatsoa (39) oa Ha Tikoe, Maseru ebile ke monga k’hamphani ea Creative Holdings
Lengolo la qoso le re moqosuoa oa pele Tumisang Thahanyane ea sebeletsang Tholo Energy PTY (Ltd) e le Chief Financial Officer o ile a utsoa chelete ea Tholo Energy ka bolotsana a e tšela lipolokelong tsa libanka tsa baqosuoa ‘moho le eena ho tloha ka 2018 ho isa 2023.
Qoso e re chelete e fetisitsoe ka marang-rang a libanka (Electronic Funds Tranfer – EFT) ho ea lipolokelong tsa baqosuoa bao ho tloha ka 2018 ho isa 2023. Kakaretso ea chelete e utsuoeng e hakanyetsoa ho M40 milone. Lekhotla le re Thahanyane o fetisitse chelete ka makhetlo a 364 ho tloha ka 2018 hofihlela 2023.
Bochochisi bo re holim’a kakaretso ea chelete e utsuoeng, moqosuoa oa pele o hohlomelitse chelete lipolokeng tsa baqosuoa ka tsela ena; moqosuoa oa bobeli, Victor Makhetha, o amohetse chelete e keneng polokelong ea k’hamphani ea hae Victor Construction e kaalo ka M796 231.
Moqosuoa oa boraro, Vigmo Industrial Supply le eona e ntse e le k’hamphani ea moqosuoa Makhetha – o amohetse M10 960 138.
Ho feta mona, qoso e re moqosuoa oa bone ‘Malerato Khutlisi a kene lehafing la khoebo ea Shelly Brown o amohetse M4 767 573. Moqosuoa oa bohlano, Mabolae Mohasi o amohetse M1 813 580 polokelong ea hae. Moqosuoa oa botšelela, Lisebo Sepheakhang (‘Makarabo Tsikinyane) eena o amohetse M2 953 409. Moqosuoa oa bosupa, Siene Ratšiu eena o fuoe M186 054.
‘Maseterata Motlatsi Kolisang o balla baqosuoa liqoso
M109 257 e fetiselitsoe polokelong ea moqosuoa oa borobeli – Lehlohonolo Teba. City Metal ke k’hamphani ea moqosuoa Teba le Ratšiu ‘me eona e amohetse M4 093 726.
Moqosuoa oa leshome, Ntaso Khanyapa ka k’hamphani ea hae , Success & Gifts o amohetse M422 375. Moqosuoa oa leshome le motso o mong, Moratuoa Hlongwa o amohetse M487 750. Moqosuoa oa leshome le metso e ‘meli, Talenta Masatsoa a fumana M4 693 624. Moqosuoa oa leshome le metso e meraro, Thabana Thabana ka k’hamphani ea hae Lone Wolf a nka M449 448. Moqosuoa oa leshome le metso e mene, Lineo Khotšeng esale a sebetsa le moqosuoa Tholo Energy e le ofisiri e kholo ea lichelete (Senior Accountant), eena o amohetse M487 308.
Moqosuoa oa leshome le metso e mehlano, ‘Mamachoba Machoba o tlalehoa a na le bana ba babeli le moqosuoa oa pele ‘me eena o amohetse chelete e ahileng ntlo Matala Phase I, Maseru.
Moqosuoa oa leshome le metso e tšeletseng, Tloaelo Khutlisi o nkile M532 006, athe moqosuoa oa leshome le metso e supileng, ‘Matšepo Jonase o amohetse M220 846. Ntsane Nyai e le moqosuoa oa leshome le metso e robeli o amohetse M1 508 628 ka k’hamphani ea hae Earthly Market eo eona e leng moqosuoa oa leshome le metso e robong. Moqosuoa oa mashome a mabeli, Lereko Matlotlo eo e leng lesole la Lesotho o amohetse M25 600.
Liakhente tsa baqosuoa li ile tsa ba kopela beile ‘me lekhotla la lumela. Moqosuoa oa pele o laetsoe ho lefa M15 000, athe baqosuoa ba bang ba laetsoe ho itefella M10 000 motho ka mong. Attorney Qhalehang Letsika o buella moqosuoa oa pele le oa bone, athe Adv. Rethabile Setlojoane o buella moqosuoa bobeli hara ba bang.
UPDATED VERSION
