MAPOLESA A MARARO KHOTLA
La 26 Pherekhong 2024
Motlatsi oa mookameli oa sepolesa sa Maputsoe, Senior Inspector Maruping Nkoloko (48) hammoho le mapolesa a mabeli a sebetsang tlasa hae, Women Police Constable Khauhelo Motlatsoe le Police Constable Rethabile Sera, ba hlahile ka pele ho ‘maseterata oa Leribe, maobane ba qosoa ka ho amohela masiba a limpshe.
Setsi sa Toantลกo ea Bobolu le Bomenemene (Directorate on Corruption and Economic Offenses – DCEO) ka tลกebelisano-‘moho le sepolesa se ile sa qhautsa Senior Inspector Nkoloko ka la 23 Pherekhong 2024, athe baqosuoa-‘moho le eena ba tลกoeroe kamorao ho moo.
Ho ea ka lengolo la qoso, moqosuoa oa pele, Senior Inspector Nkoloko, ka morero le ka maikemisetso o sebelitse ‘moho le baqosuoa ba bang ho amohela tjotjo e kaalo ka M2500 ho Moeketsi Kaota, oa k’hamphani ea tลกireletso – Phokeng Security Company.
Ho ea ka qoso, baqosuoa ba batlile tjotjo ka morero oa ho lokolla litlamong, Bonang Lelotha, mosebeletsi e mong oa k’hamphani e boletsoeng litlamong kamora ho tลกoaroa a sebetsa ka sethunya se se nang mangolo lebenkeleng la Best Life Supermarket, Maputsoe.
Lekhotla le ba lokollotse ka beile ea M1000 motho ka mong tlas’a lipehelo tsena: ba itlalehe sepoleseng ho ea ka linako tseo ba li fuoeng hammoho le ho se kena-kenane le lipaki tsa mofapa-hlooho.
Ba laetsoe ho hlaha lekhotleng hape ka la 6 Hlakola 2024.
