BA QOSOA KA HO HONYA BAITHUTI TJOTJO EA M256 000
β¦ ‘MUSO O LAHLEHETSOE KE M1.6 MILONE
Ka Moipone Makhemeng
La 28 Pherekhong 2024
Bahlanka ba bararo ba Lefapha la Lihlapiso (National Manpower Development Secretariat – NMDS) hammoho le banna ba babeli ba hlahile lekhotleng la ‘maseterata oa Maseru ka pele ho ‘maseterata Thamae Thamae, le Mochochisi Hlophe ka la 25 le 26 Pherekhong 2024 ba qosoa ka ho honya baithuti ba lijunifesithi kahare le ka ntle ho naha bokhotho-khotho ba tjotjo ekasitana le ho baka hore ‘muso ka lefapha la NMDS o lahleheloe ke bokhotho-khotho ba lichelete.
Baqosuoa bao e leng basebeletsi ba NMDS ke Moeketsi McDonald Rankhone (43), oa Kolonyama Ha ‘Nena, Leribe ea sebetsang ofising ea liphatlalatso NMDS, Thabang Liteboho Mahula (43) oa Thabaneng, Mafeteng hammoho le Pheello Tlebere (45) oa Lefikeng Lithabaneng, Maseru.
Moeketsi Mcdonald Rankhone o tjametsoe ke nyeoe e ‘ngoe ea bobolu moo a thusitseng baithuti ba bang ho fumana lihlapiso. Nyeoe eo e butsoe ka Phupu 2022Β – Image: Facebook/LMPS
Baqosuoa-‘moho le bona ke Kolobe ‘Movie’ Motlalentoa (49) oa Lower Thamae, Maseru hammoho le Selake ‘Speedy’ Malataliana (41) oa Upper Thamae, Maseru. Lekhotla le ba balletse kakaretso ea liqoso tse mashome a mahlano (50).
‘Muso ka lefapha la NMDS o lahlehetsoe ke chelete e kaholimo ho M1,666,254.00 ea lihlapiso tse fanoeng ka bokunyata. Qoso e re baqosuoa ba pokothetse tjotjo e ka holimo ho M256 700 ho baithuti ba fetang 40 ho tloha ka 2016.
‘Maseterata Thamae Thamae, ha a ba balla liqoso o itse ba robile temana ea 22 (1) e baloa le temana ea 34 ea Molao oa Thibelo ea Bobolu le Bomenemene (2006). Qosong ea pele moo ho qosoang Rankhone le banna ba babeli (Thabang Liteboho Mahula le Pheello Tlebere) ho thoe ka 2018 baqosuoa ba ile ba amohela M4000 ea masiba a limpshe ho tsoa ho Thabang Khoase. Sepheo sa tjotjo e ne e le hore Khoase a fuoe lihlapiso ho ea ithuta Vaal University of Technology ka bolotsana. O ile a li fumana ‘me NMDS ea lahleheloa ke M47 730 selemong sa lithuto sa 2019.
“Qosong ra bobeli ho thoe Rankhone o ile a amohela M5000 hape ho tsoa ho Khoase ka sepheo sa hore konteraka ea hae e nchafatsoe. Ba boetse qosong ea bararo ba amohela M7000 ka 2020 ka sepheo sa ho nchafatsa koteraka ea Thabang Khoase hape. NMDS e lahlehetsoe ke M47 730 selemong seo.
“Baqosuoa qosong ea bone ba qosoa ka hore ka selemo sa 2021, Rankhone o ile a amohela M7000 ho tsoa ho Thabang Khoase hore konteraka ea hae e nchafatsoe.
Ka selemo sa 2020, Moeketsi Rankhone o amohetse M30 000 ho tsoa ho Rethabile Khali ka sepheo sa hore a fumane lihlapiso tsa NMDS hore a il’o ithuta University of Cape Town. NMDS e lahlehetsoe ke M53 670 selemong sa lithuto sa 2021/22. Ena ke qoso ea bohlano.
Ka 2021, Moeketsi Rankhone a sebetsa le baqosuoa Malataliana le Kolobe ba ile ba amohela M17 000 ea Neo Lillian Sechache molemong oa hore a fumane lihlapiso tsa ho ithuta National University of Lesotho. NMDS e ile ea lahleheloa ke M24 860 bobolung bona.
“Ho feta mona Moeketsi Rankhone o ile a amohela M5 000 ho tsoa ho MontΕ‘eng Kabelo hore Rethabile Khali a nchafalletsoe konteraka ho tsoela-pele ka lithuto National University of Lesotho. Mona NMDS e lahlehetsoe ke M46 060.” Qoso ea bosupa e baleha joalo.
Image: Facebook/LMPS
Qoso e ‘ngoe e fapaneng ho thoe RankhoneΒ le bao ba tlotse temana ea 70 (5) le 109 tsa Pokello ea Litlolo tsa Molao tsa 2010 (Penal Code 2010). Qoso e re ka 2021, ka thoko ho molao le ka morero, ba ile ba nehelana ka tokomane ea mokunyata ho NMDS ka sepheo sa ho e qhekella hore sekoloto sa MontΕ‘eng Kabelo se kaalo ka M12 400 se hlakoloe. Tokomane ea lefofo e bontΕ‘itse MontΕ‘eng a lefile mokoloto polokelong ea NMDS ea 908000155271.
Qosong e ‘ngoe baqosuoa ba ile ba nchafalletsa Mashoabathe Koloi konteraka ka bobolu ‘me NMDS ea lahleheloa ke 45 940 .
Liqosong tsa 11 ho isa 14 baqosuoa ba entse tlolo ea molao ka ho amohela kakaretso ea M20 000 ka tsela e thathamisoeng ka tlaase:
Ba amohetse chelete ho Mashoabathe Koloi (M6000 ho ithuta NUL), RetΕ‘epile Maluleke (M7000 ho ithuta Vaal University of Technology), Pheello Kolobe (M8000 – ho ithuta Vaal University of Technology) le Seipati Rapeane (M5000 ho ithuta National Health Training College – NHTC).
Baqosuoa ka bomenemene, ba boetse ba etsa tokomane ea lefofo ho NMDS ka sepheo sa ho e roka mahlo a naketsana ka hore mokoloto oa Seipati Rapeane oa nako e fetileng NMDS o kaalo ka M31 000 o patetsoe.
Liqosong tsa 15 ho isa 20 Rankhone le bao ba qosoa ka ho amohela M44 500 ho batho bana: RetΕ‘elisitsoe Leaba (10 000 – ho ithuta NHTC), Keabetsoe Moabi (M12,000 ho ithuta Institute of Extra-Mural Studies – IEMS), LitΕ‘itso Maqelepo (M10 000 ho ithuta NUL) le Itumeleng Kulehile (M12 500 – ho ithuta NUL).
Ho feta mona qosong ea 17, baqosuoa ba boetse ba etsa lengolo la mokunyata ho phumula mokoloto oa Keabetsoe Moima o kaalo ka M28 761.80. Ba ile ba etsa tokomane ea lefofo samokana-eka Moima o patetse sekoloto sa nako e fetileng.
Ka tsela e tΕ‘oanang qosong ea 19, baqosuoa ba le NMDS ka morero ba ile ba etsa le ho nehelana ka tokomane ea mokunyata ho NMDS samokana-eka mokoloto oa LitΕ‘itso Maqelepo o kaalo ka M31 150 o patetsoe ho NMDS empa ho se joalo.
Baqosuoa ka bomenemene, ba boetse ba etsa tokomane ea lefofo ho NMDS ka sepheo sa ho e roka mahlo a naketsana ka hore mokoloto oa Seipati Rapeane oa nako e fetileng NMDS oa boleng ba M31 000 o patetsoe empa ho se joalo.
Qosong ea ho qetela ea mashome a mabeli (20), Moeketsi Rankhone o ile a amohela M12 500 ho tsoa ho Itumeleng Koleile hore a fumane lihlapiso ho ea ithuta NUL.
Image: Facebook/LMPS
Ho boetse hoa kena ka lebokoseng la baqosuoa mohlanka e mong oa NMDS, Pheelo Tlebere ‘me le eena o qoselletsoa le Kolobe Motlalentoa hammoho le Selake Malataliana ka tsela e tΕ‘oanang.
Eena o balletsoe liqoso tse 15; qosong ea pele; Tlebere hammoho le baqosuoa-‘moho le eena ba tlotse temana ea 22 (1) e baloa le temana ea 34 ea Molao oa Thibelo ea Bobolu le Momenemene (2006).
Ho thoe ka 2016 ba sebetsa ‘moho, Pheello Tlebere o ile a amohela M3000 molemong oa hore ba thuse Ranase Molebatsi ho fumana lihlapiso tsa ho ea ithuta NUL. Bobolung bona NMDS e lahlehetsoe ke M133, 353 e lefelletseng lithuto tsa Ranase lilemo tse tharo- 2016, 2017 le 2018.
Qosong ea bobeli, Tlebere le bao ba ile ba amohela M6000 ho tsoa ho Neo Rethabile Phalo hore a fumane ka bolotsona lihlapiso tsa ho ithuta IEMS. NMDS e lahlehetsoe ke M60 670 e le sekolofisi sa lilemo tse tharo.
Pheello Tlebere o boetse a amohela M6000 ho tsoa ho Olehile Khooe molemong oa hore a fumane lihlapiso tsa ho ithuta NUL ka 2020. ‘Muso o lahlehetsoe ke M91 880 ea ho mo lefella litjeo tsa boithuto lilemo tse peli.
Baqosuoa ka morero o tΕ‘oanang ba boetse ba amohela tjotjo ea M10 000 ho tsoa ho Mphai Notsi hore eo a fumane lihlapiso tsa ho ithutsa NUL. Mona ‘muso o lahlehetsoe ke M103 200 ka lebaka la ho lefella Notsi litjeo tsa sekolo.
Tlebere hape-hape, ho thoe o ile a amohela M5000 ho tsoa ho Lebaka Mofubetsoana molemong oa hore a il’o ithuta Vaal University of Technology. NMDS e lahlehetsoe ke M24 000 bokunyateng bona.
‘Muso o boetse o lahlehetsoe ke M103 200 kamora hore Pheello Tlebere le baqosuoa ba amohele M4000 ea ‘MantΕ‘ali Lekhooa ea ileng a fumana lihlapiso tsa ho ithuta NUL ka selemo sa 2020 le 2021. Ena ke qoso ea botΕ‘elela.
Ho thoe bobolu bo tsoetse-pele ha Tlebere a amohela M10 000 ea Itumeleng Shokhoa ho mo fumantΕ‘a ka botsotsi lihlapiso tsa ho ithuta Vaal University of Technology. Sena se bakile hore NMDS e lehleheloe ke M27 000.
Tlebere o boetse a amohela M7000 ea Puseletso Mosuhli ka sepheo sa ho mo fumanela lihlapiso tsa ho ithuta NUL ka thoko ho molao. Bomenemene bona bo bakile hore NMDS e lahleheloe ke M107 200 lilemo tse tharo (2020 – 2023). Ena ke qoso ea borobeli.
Keneuoe Lefojane o ile a nehelana ka M4500 ho Pheello Tlebere ea ileng a sebetsa ‘moho le baqosuoa ba bang ho re a fumantΕ‘oe lihlapiso tsa bolotsana ho ea ithuta I.E.M.S. Bobolu bona bo bakile hore ‘muso o lahleheloe ke M42 920 lilemo tse peli tsa ho lefella Lefojane lithuto.
Qosong ea leshome, Itumeleng Sehlole o nehelane ka M10 000 ho Tebere ea ileng a mo thusa ho fumana lihlapiso tsa bolotsana ho ea ithuta NUL. Sena se bakile hore NUL e lahleheloe ke M103 200.
TΕ‘oarelo Makhale o ile a fana ka M6300 ho baqosuoa ka sepheo sa hore ba mo thuse ho fumana lihlapiso tsa bokunyata ho ithuta NUL ‘me ‘muso oa lahleheloa ke M103 200.
“Ka selemo sa 2020 baqosuoa ba le NMDS kapa haufi le teng, ba ile ba amohela M4800 ea Teboho Mosala hore a fumane lihlapiso tsa ho ea ithuta NUL, eaba ‘muso o lahleheloa ke M103 200.” Ho rialo ‘Maseterata Thamae a bala qoso ea leshome le metso e ‘meli
Ho boetse hoa nkoa M6000 ea Kekeletso Phomane ka sepheo se tΕ‘oanang hore a il’o ithuta NUL moo ‘muso o lahlehetsoeng ke M97 540.
Bochochisi bo re Tlebere o ile a amohela M3000 ea Neo Mosehle hore eo a fumane lihlapiso tsa ho ithuta University of Cape Town ‘me ‘muso oa lahleheloa ke 53 670.
Qosong ea ho qetela ea leshome le metso e mehlano ke hore Tlebere o ile a amohela M12 000 ea Liapeng Shata hore a il’o ntΕ‘etsa lithuto tsa hae pele junifesithing ea China.
Ha lekhotla le lihella liqoso le beile Mohlanka oa NMDS – Thabang Liteboho Mahula ka lebokoseng la baqosuoa le banna bane ba hlahang liqosong tsohle, Kolobe Motlalentoa le Selake Malataliana
Ba balletsoe liqoso tse tΕ‘eletseng tsa ho tlola temana ea 22 (1) e baloa le Temana ea 34 ea Molao oa Thibelo ea Bobolu le Bomenemene (2006). Ho thoe Mahula o ile a amohela M15,000 ho tsoa ho e mong TΕ‘epo Monethi ea neng a lefa chelete eo molemong oa hore Thabiso Molokoane a fumane lihlapiso tsa ho ithuta University of the Free State.
Qosong ea bobeli ho ea ho ea bohlano Mahula o amohetse kakaretso ea M33 000 ho tsoa ho batho ba latelang Machocholo Tau (M15 000, ho ithuta IEMS), MotΕ‘elisi Lefoleri (M5000, ho ithuta Paray School of Nursing), Posane Lebatla (10 000, ho ithuta NUL) le Katleho Nkoebe (M3000, ho ithuta NUL).
Qosong ea ho qetela ea botΕ‘elela, Mahula o amohetse M8000 ka sepheo sa ho hlakola mokoloto oa ‘Makananelo Rannakoe Raleting oa NMDS ka bokunyata.
Baqosuoa ba ile ba ikopela beile; eaba bahlanka ba NMDS ba itela ho lekhotla hore ha ba sa sebetsa kaha ba lokollotsoe mosebetsing.
Lekhotla le ba lokollotse ka beile tlasa lipehelo tsa hore ba itefelle M2000 motho ka mong ekasitana le ho batla moahi oa Lesotho ea tla beha paneng thepa ea boleng ba M15 000. Ba laetsoe ho itlaleha khotla hape ka la 6 Hlakola 2023.
