LETONA LE PHATLALATSA PHEPO E NCHA LIKOLONG
Ka moqolotsi oa rona
La 9 Phuptjane 2023
Mokhethoa oa Makhaleng oa Democratic Congress (DC), Mootsi Lehata o tekile tlhahiso Ntlong ea Bakhethoa ka la 2 Phuptjane 2023, a eletsa ‘muso oa Lesotho ho hlahloba mokhoa oa phepo o ntseng o sebetsa likolong tsa mathomo. O re morao tjena ho fepa li’khamphani tse kholo tse abeloang mosebetsi o joalo. Tlhahiso ea Lehata e eletsa ‘muso ho khutlela mokhoeng oa khale oa ho fepa moo mosebetsi o neng o fuoa Basotho ba metseng. Lebaka la mantlha o re ha leano la khale le ka khutla, seo se tla thusa kholisong ea moruo.
“Ke kopa ntlo e khabane e kope ’Muso hore o shebe hore na re ka se khutlele mokhoeng oa pele. Phepong ena ke moo batsoali ba bana metseng ba neng ba iketa ebe ba ea pheha. Ho ne ho tsebahala hore na motho o lefshoa bokae ka khoeli ha a phehela bana ba bakae ho latela manane a sekolo.
Mootsi Lehata, Mokhethoa oa Makhaleng
“Re ne re bona moruo o ba teng sebakeng seno seo likolo li leng ho sona hobane ho ne ho na le batho ba sebetsang, ba hlahisang (mahe, meroho, lebese joalo-joalo). At that time there was a menu oo ho tla thoe Mantaha bana ba tla ja papa ka lebese, Labobeli papa ka moroho le lehe, Labone ho hong. There was a balanced diet at schools at that time eo ’muso o neng o fana ka eona empa hona joale ntho li fetohile. Morao tjena ebile ha ho sa na balance diet; e se e le setampo neng-neng ke linaoa ha ho na lebese like it used to. Taba ena ke ne ke re e shejoe bocha.” Ke Lehata a teka tšisinyo ea hae.
Lehata o itse hajoale lik’hamphani tse kholo ke tsona tse abeloang mosebetsi ona: “Ho iketa k’hamphani tse kholo tse isang lijo likolong literekeng tsohle. K’hamphani tsena li hira batho ba motse ba phehang, ba fepang bana lijo tseo. Taba e bohloko mona ke hore batho ba motse hoa bona e se e-ba matsoho le patsi feela joale ba khaketsoe meputso e fokolang e sa fetoleng maphelo a bona metseng.” O khobotla taba Lehata.
Mokhethoa oa Makhaleng o ile a re nakong ea leano la khale ho bile le phetoho bophelong ba batho ba metseng hoba ba ne ba fumana meputso e metle. “We used to see batho ba phehang u bona ntlo ea 2-roomed e se e nyoloha, u bone wardrobe e kena ka van rona batho ba mahaeng, bophelo bo ba teng.”
O tekile ka masoabi hore hajoale batho ba fumana meputso e soabisabg ba hiruoeng ke lik’hmphani tse kholo e leng M900, M1000 kapa M2000 ka khoeli. “They are getting peanuts now.” Ke Lehata a tšetlehela Ntlo.
Leha ho le joalo, letona la thuto, Prof. Ntoi Rapapa o ile a qhela tlhahiso ena ka le reng likolong tse 182 tsa mathomo ho na le mokhoa o mocha oa phepo o tlo kenngoa tšebetsong ke ‘muso.
“Ho latela leano lena, likolo tse 182 li tlo thusoa ke Catholic Relief Services (CRS), CRS ke eona e seng ikarabella likolong tseno, Ma-Amerika le ‘ona a kentse letsoho.” Ntoi o teka joalo.
