KATARA BULANE KHOTLA KA QOSO EA PETO
Ka Moipone Makhemeng
La 29 Pherekhong 2024
Mosebeletsi oa lebenkele le tsebahalang la lijo le mothamahane Capello, Reabetsoe Katara Bulane (30) oa Ha Mabote, Berea ea belaelloang ka ho beta morali oa mokhethoa oa RFP o hlahile lekhotleng la ‘maseterata Maseru kajeno moo a balletsoeng qoso ke ‘maseterata Nthabiseng Moopisa.
‘Maseterata ha a balla Bulane qoso o li behile joana;
“Ka letsatsi la 20 Pherekhong 2024, mane the Market kapa haufinyane le sebaka seo seterekeng sa Maseru, uena moqosuoa ka thoko ho molao u ile oa etsa ketso ea thobalano ho e mong Pricillia Hakane. Ke mosali oa Mosotho ea lilemo li 29. Ho thoe o ile oa nka botona ba hau oa bo kenya ka botลกehaling ba hae a sa u lumella.” Ke ‘maseterata a balla moqosuoa qoso.
Kamora hore ‘masetereta a hlalosetse moqosuoa litokelo tsa hae, ‘muelli oa hae Adv. Dlamini Matla o ile a mo kopela beile tlas’a mabaka a latelang; o bontลกitse hore ke lekhetlo la pele moqosuoa a hlaha kapele ho lekhotla tlas’a liqoso life kapa life. A hlalosa hore moqosuoa o bile le tลกebelisano-‘moho le sepolesa nakong ea lipatlisiso ‘me ha a na tลกabo ea hore a ka baleha.
Ho feta mona, o ile a re moqosuoa o na le boikarabello bo boholo ba ho hlokomela motsoali oa hae ea nang le bokulo eo a mo isang kalafong bonyane hararo ka letsatsi. A re moqosuoa o sebetsa khoebong ea Capello ho iphilisa la batsoali.
Ho sa le joalo, molli o ile a fuoa monyetla ke ‘maseterata hore a bolele hore na eena a ka thibela hore moqosuoa a fuoe beile kapa che. “Ke batla u mphe mabaka a tลกoarehang hore a ka ba kotsi ho uena.” Eo ke ‘maseterata.
Molli o ile a bolella lekhotla hore ha a na mabaka a tลกoarehang a ho thibela hore moqosuoa a ka lokolloa ka beile kaha esale ketsahalo e etsahala (ea hore a mo bete), moqosuoa ha e-s’o mo etsetse litลกoso tsa letho. O boetse a re eena o sitoa ho hana kapa ho lumela ha moqosuoa a fuoa beile ka le reng motho ea nang le matla a ho fana ka beile ke ‘maseterata.
Mochochisi Hlophe ka tsela e tลกoanang ha a ka hanyetsa phano ea beile a mpa a kopa feela hore lekhotla ka thoko ho chelete ea beile, ho be le peheletso e ‘ngoe eo moqosuoa a tla e beha paneng hore a se balehe.
Kamora moo, ‘maseterata Moopisa o ile a lokolla moqosuoa ka beile ntle le hore a patale peheletso ea hore a ka baleha. A re o etsa seo hoba a sa kholisehe hore moqosuoa a ka baleha. O boetse a hlakisa hore moqosuoa ha a na molato hofihlela bochochisi bo kholisitse lekhotla hore efeela le molato. A re ka tsela e tลกoanang, ho shejoa lehlakore la molli hore a utloe maikutlo a hae.
Ha lihella likhala o ile a re ha a bone ho na le mabaka a bontลกang moqosuoa a ka baleha kapa a ba kotsi ho molli. ‘Me o ile mo lokolla ka beile ea M1500. ‘Maseterata o itse nyeoe ena e ntse e le tlasa lipatlisiso tsa sepolesa. O tla hlaha lekhotleng a hape ka la 12 Hlakola 2024.