BATHO BA MARANG-RANG BA LO PAKA NYEOENG EA QAMO?
Ka Moipone Makhemeng
La 18 Tlhakubele 2023
Nyeoe eo ho qosoang Qamo Matela (36) oa Ha Mabote, Berea ka polao ea mohatsโae ‘Mahlompho Matela (Rethabile Mofolo) e ile ea roropa maobane Lekhotleng le Phahameng, Maseru. ‘Mahlompho o ne a timelle sepetlele Pelonomi, Bloemfontein ka la 11 Loetse 2021.
Nyeoe e mametsoe ke moahloli Tลกeliso Mokoko, athe Mochochisi ke Adv. Pelea Joala. Akhente ea moqosuoa eona ke Adv. Lepeli Molapo.
![](https://leihlolabasotho.co.ls/wp-content/uploads/2023/03/Adv.-Pelea-Joala.png)
Adv. Pelea Joala (Foto: The Post)
Paki ka lebokoseng maobane e bile ea sepolesa sa Ha Mabote; Sajene Maqabe. Ha a fana ka bopaki Maqabe o tempelletse bopaki ba mphato’ae Inspector Moeketsi e leng bopaki bo ngotsoeng ka polelo (setatemente) boo moqosuoa a ileng a fana ka bona sepoleseng ho hlalosa se etsahetseng ha mosali oa hae a tla timela ka Loetse 2021.
Sajene Maqabe o boetse a hatisa taba ea hore Qamo o ba boleletse hore o khakhathile mofu mosali oa hae ha a fihla a tsoa joaleng bosiu kamora hore ‘Mahlompho a hloloe ho araba mehala ea hae ekasitana le ho koala mohala ha a mo letsetsa hore a ntลกe senotlolo monyako hore a tle a bule ka sa hae ha a fihla.
Ho ea ka polelo ea moqosuoa, kamora ho mo khakhatha, ‘Mahlompho o ile a ba le lefu la ho akheha eaba kamora nako a shoa a le sepetlele Pelonomi, Bloemfontein ka la 11 Loetse 2021.
![](https://leihlolabasotho.co.ls/wp-content/uploads/2023/03/QAMO-MATELA.png)
Qamo Matela (Picture: The Post)
Ho sa le joalo, Adv. Molapo, ‘muelli oa moqosuoa o behile ho Sajene Maqabe hore ‘muelloa oa hae o fane ka polelo ea bopaki tlas’a letsoalo. O re moqosuoa o ne a utloile hore mapolesa a ntse a mo tsoma ka lintja le likatse. A re lefokisi le ikarabellang le ne le ntse le batla ‘muelloa le bontลกa ha le tlo mo ruta batho.
Molapo a hlalosa hore e le pontลกo ea hore mapolesa a ne a le ntoeng khahlanong le ‘muelloa oa hae, ho ne ho romeletsoe mabotho ho mo tลกoara. Molapo a hlokomelisa hore ke linyeoe tse ngata tse kenang makhotleng moo sepolesa se hlaselang babelaelloa ha ba bitselitsoe lipotsong.
“U bile oa bolela polelong ea hau hore u rometse mabotho a hau ho lo mo tลกoara, ‘me lentsoe lena โmabothoโ le bontลกa batho ba hlometseng. Kahona moqosuoa o ne a e-na le tลกabo ke ka hona a ikisitseng sepoleseng ho ea fana ka tlhaloso ea hae.” Ke Adv. Molapo a beha kapele ho paki letsatsing la maobane.
Ho feta mona, Adv. Molapo o na le tletlebo ka batho ba marang-rang (social media); O lla ka hore batho ba marangrang ba kentse tลกabo ho ‘muelloa oa hae ka hore o fane ka bopaki ba hae sepoleseng a le tlas’a tลกabo ea batho bao hoba ba ne ba bua lipuo-puo ka lefu la ‘Mahlompho.
Adv. Molapo o supile hore moholoane oa mofu, Rorisang Mofolo o ne a le ka pele-pele ho hlohloletsa batho ba marang-rang.
Moahloli Mokoko o ile a botsa mochochisi Joala hore na lipaki tsa mofapa-hlooho li felletse. Ke moo Mochochisi Joala a ileng a kopa lekhotla hore o batla hore batho ba marang-rang bao ‘muelli oa moqosuoa a reng ba kentse tลกabo ho moqosuoa hore le bona ba tle khotla ba tlo fana ka bopaki.
Lekhotla le ile la khefutsa ‘me nyeoe e tla tsoela-pele ka la 23 Tlhakubele 2023.