THOTANYANA O QOSA MAHAO LE KOMITI EA BAP
Ka Moipone Makhemeng
La 10 Loetse 2023
Mongoli-Kakaretso oa Basotho Action Party (BAP), Lebohang Thotanyana o hlahletse nyeoe e potlakileng Lekhotleng le Phahameng Maseru khahlanong le BAP, moeta-pele Prof. Nqosa Mahao esita le komiti e kholo mabapi le qeto ea ho mo behella ka thoko e le mongoli-kakaretso oa mokha.
Thotanyana o batla hore lekhotla le mamele nyeoe ea hae e potlakile kaha a supa a amohetse lengolo le reng a fane ka mabaka ao a ke keng a lelekoa boemong ba hae.
Lebohang Thotanyana, mongoli-kakaretso oa BAP
Tebello e ne e le hore a arabe lengolo leo pele ho la 7 Loetse 2023. Ke ka hona a ileng a mathela lekhotleng kapele hore le mamele nyeoe pele ho moo.
Har’a lithapeli, molli o batla hore lekhotla le laele baqosuoa ho emisa hang-hang ho mo behella ka thoko ho komiti e kholo e le mongoli-kakaretso hofihlela nyeoe ena e fela ka lekhotleng.
O boetse o kopa ba thibeloe ho kena-kenana le mosebetsi oa hae e le mongoli-kakaretso.
O beha thapeli e โngoe Thotanyana; o re baqosuoa ba laeloe ho emisa ho tลกoara tulo ea khalemo khahlanong le eena ha ho ntse ho emetsoe pheletso ea nyeoe ena. Kopo ea ho qetela ke hore baikarabelli ba pitloe ka ho lefa litลกenyehelo tsa nyeoe ena.
Ho sa le joalo, tlhaloso e fanoeng ke Thotanyana lipampiring tsa lekhotla ke hore litaba li qalile ka la 4 Loetse 2023 moo a bileng kopanong ea Komiti e kholo ea BAP. Thotanyana o tekela lekhotla hore sethathong Prof. Mahao o ile a supa hore o fanyeha litaba tse neng li il’o tลกohloa kopanong eo.
“Ke moo moetapele a ileng a re o batla ho nteleka setulong sa bongoli-kakaretso. Lebaka leo a ileng a le beha ke hore ke shebahala ke nyelisa komiti e kholo (sabotage).
“Ho ile hoa etsoa liqoso tse ‘maloa khahlanong le ‘na; ka utloa ho thoe ke setho sa lequloana la mokha le khahlanong le boeta-pele. Taba ena e ile ea ‘makatsa kaha ke tseba ho se maquloana kahara mokha oa BAP.” O rialo lipampiring tsa lekhotla.
Thotanyana o bontลกa hore nakong ea lipuisano o ile a lula a khutsitse ka tลกepo ea hore mohlomong o tla fuoa monyetla oa ho hlahisa lehlakore la hae kapa ho fana ka maikutlo mabapi le liqoso tse entsoeng. Leha ho le joalo, o re ha a ka a lumelloa ho bua. Qetellong ho ile hoa etsoa qeto ea hore o lokela ho behelloa ka thoko ho ofisi.
O bontลกa boithuto ba hae e le hore leha a ne a ka fana ka mabaka ao a ke keng a behelloa ka thoko ho komiti e kholo, ho ne ho se thuso kaha qeto ea ho mo behella ka thoko e ne e entsoe.
“Liqeto tse entsoeng kamora lipuisano li ne li supa ka ho hlaka hore leeme le teng ka kutloisiso ea hore leha nka fana ka lengolo le bontลกang hore na ke hobaneng nke keng ka behelloa ka thoko le ne le tla hloka bohlokoa.” O li beha joalo.
