Ka moqolotsi oa rona
La 20 โMesa 2023
Ebile khang ea popota Lekhotleng le Phahameng la Maseru ka Labobeli ha akhente ea โmuso, Adv. Lehlohonolo Phooko a batla hore makoalata a mofu Motlatsi Khoabane a hlahisoe ka pele ho moahloli Tลกeliso Mokoko e le bopaki ba hore efeela baqosuoa ba mo faotse ka โMesa 2017.
Nyeoeng ena baqosuoa ke banna ba Ha Tลกilonyane; Katiso Ramoreboli, Poloko Masothonyana le Thapelo Tลกekeli. Boraro bo qosoa ka ho bolaea le ho faola mofu Motlatsi Khoabane eaba ba ntsโa litapole tsa hae ka sepheo sa ho ea etsa moriana oa hore ba fumane mosebetsi o betere. E mong oa baqosuoa, Poloko Masoohonyana o ile a fana ka maipolelo moo a ileng a lumela hore eena kamora ho lilibolotsa litapole tsa mofu o ile a li neha Thapelo Tลกekeli.
Maipolelo a Masothonyana a supa hore mohla ba tla bolaea mofu ka โMesa 2017, eo o ne a fihli Motsekuoa khoebong eo Ramoreboli a neng a sebetsa ho eona eaba ba nka qeto ea ho mo fasa ka thapo ea motlakase ba mo isa mahaheng a Ha Tลกilonyane ka le reng o ne a ilโo utsoa khoebong moo. Ha ba fihla mahaheng, ba ile ba etsa qeto ea ho mo khakhathele lefu kamora moo ba mo faola.
โRe ile ra botsa motho enoa hore habo ke hokae, a re ke Ribaneng.ย Ramoreboli o ile a re re mo tsolise, ke moo ke ileng ka mo faola eaba ha re qetile ka mosebetsi, Ramoreboli o ile a nka marete a hae a ea hae ka โona. Re ile ra lihela setopo ka lelumeleng eaba ka le hlahlamang, hoa hlaha sebonoang-se-bonoa-ke-bohle, sechaba sa phalla ho tla bona setopo.โ Ao ke maipolelo a e mong oa baqosuoa.
Sepolesa se ile sa bitsoa ho tla phutha setopo โme mofu o ile a tsejoa e le eena Motlatsi Khoabane oa Ribaneng, Mafeteng.
Nakong eo โmuelli oa mofapa-hlooho, Adv. Phooko a batlang hore makoalata a mofu a tlisoe khotla e le bopaki, akhente ea baqosuoa, Adv. Khosi Lesuthu o ile a ema thabeng; a re qha! โme a kopa hore moahloli Mokoko a se lumelle bochochisi ho hlahisa litapole tsa mofu ka pele ho lekhotla ka le reng ha se ntho e nepahetseng ho etsa joalo.
Moahloli Mokoko o itse nyeoe e phethetsoe ‘me hosane o liha kahlolo.
