PAKI EA PELE NYEOENG EA POLAO EA TANG E FANA KA BOPAKI
Ka Moipone Makhemeng
La 29 Pulungoana 2023
Paki ea pele, Detective Lance Sergeant Seeko o tsoetse-pele ho fana ka bopaki maobane nyeoeng eo ho qosoang masole a mabeli, Corporal Tjekane Sebolai (35) le Private Selone RatΕ‘iu (32). Bona ba qosoa ka polao ea Lisebo Tang ea ileng a thunngoa a shoa haufi le ha molaoli oa mehleng oa sesole, Lieutenant General Tlali Kamoli, Ha Leqele, Maseru hammoho le teko ea polao ea TΕ‘epo Jane ka la 9 MotΕ‘eanong 2023. Ba boetse ba qosoa ka ho senya koloi e neng e qhojoa ke TΕ‘epo Jane.
Nyeoe e mametsoe ke Moahloli e Moholo lekhotleng le phahameng la Maseru – Sakoane Sakoane. Adv. Motene Rafoneke o buella mofapa-hlooho athe ‘muelli oa baqosuoa ke Adv. TΕ‘abeha.
Detective Lance Sergeant Seeko o itlhalositse a ne a sebetsa ofising ea mafokisi sepoleseng sa Pitso Ground ofising ea lipatlisiso tsa botlokotsebe (crime scene office). O re o na le lilemo tse leshome le metso e tΕ‘eletseng a sebetsa ofising eo.
Ha a thakhola bopaki o re ka la 10 MotΕ‘eanong 2014 h’a ntse a le mosebetsing, o ne a fumane mohala hoseng ka 8am ho tsoa eo e neng e le Senior Superintendent Kolo ka nako eo, a mo tsebisa hore ho na le batho ba thuntsoeng Ha Leqele pela ha molaoli oa mehleng oa sesole Lieutenanant General Tlali Kamoli. O re o ile a ea sebakeng seo a na le Superintendent Mahlanoe eo e neng e le Inspector ka nako eo, Inspector Matsoso eo e neng e le Sergeant ka nako eo esita le Detective Police Constable Mongaula.
O re ha ba fihla lapeng ha molaoli oa sesole oa mehleng, Lieutenanant General Tlali Kamoli ba ile ba kopana le masole a neng a le mosebetsing moo, eaba masole ao a ba isa moo ho thuntsoeng batho teng.
O itse ho tloha ha molaoli oa sesole ho fihla sebakeng sa ketsahalo e ne e ka ba mehato ea maoto a ka bang 117. O re o tseba seo kaha a ile a tloha hukung ea jarete ea molaoli oa mehleng ho leba sebakeng sa ketsahalo a ntse a hata maoto.
“Ha ke fihla sebakeng seo, ke ile ka bona likhalase tse pshatlehileng kahar’a tsela. Hona pela teng ka bona matheba a mararo ao ke neng ke belaela hore ke mali. Ke ile ka nka matheba ao (samples)Β a neng a le fatΕ‘e eaba ke a tΕ‘ela ka hara litΕ‘elo tse tharo tse fapaneng. Ho ne ho na le polasitiki ea masimba e neng e le mali ‘me le eona ke ile ka e kenya ka hare ho li-sample.
“Ha ke hlahloba sebaka ka botlalo, ke ile ka fumana empty fired cartridges tse supileng tsa size ea 7.62mm, bullet jackets tse tΕ‘eletseng. Ke fumane hape dead bullets tse tharo. Ha re le sebakeng seo ke moo ke ileng ka fumana hore koloi e thuntsoeng e khoebong e bitsoang Big Bravo Construction Ha Matala.” Oa hlalosa.
O hlaloselitse lekhotla hore koloi e thuntsoeng e ne e le Toyota Hilux D4D double cab e tΕ‘oeu ea linomoro-polata tsa M6336. O re kamora ho e hlahloba o fumane e le masoba a mangata haholo a likulo.
“Ka lemating lehlakoreng la letsoho le letona la moqhobi e ne e na le masoba a mane. Lemating le letona kamora la moqhobi e le masoba a mabeli. Festere ea moqhobi e ne e pshatlehile e le sieo. Windscreen kapele hantle kapela steering-wheel e le masoba a mabeli. Ka lehlakoreng le letΕ‘ehali e ne e le masoba a leshome.” Paki e hlalosa maemo ao koloi e neng e le ho ‘ona.
Paki e boletse e ile ea fumana masoba a mangata haholo koloing ka ntle esitana le ka hare. O boletse hore o ile a nka litΕ‘oantΕ‘o tsa maemo ana a koloi ‘me a li etsetsa pokello e le bopaki.
Paki e boetse ea bontΕ‘a lekhotla alebamo ea litΕ‘oantΕ‘o e le lipontΕ‘uoa tsa boemo boo a bo fumaneng sebakeng sa ketsahalo. LitΕ‘oantΕ‘o e ne e le tsa likhaketlana tsa likulo, bullet jackets, koloi e thuntsoeng le tse ling.
Lekhotla le ile la khefutsa ‘me nyeoe e tsoela-pele kajeno.
Litaba tse amanang le tsena li fumaneha MONA
