O AHLOLOA LILEMO TSE 20 KA HO SELAKHA MOTHO
Ka Moipone Makhemeng
La 7 Pulungoana 2023
Lekhotla le Phahameng la Maseru le ahlotse Lebohang Ntsebeng (26) oa Mohaleโs Hoek Phamong Ha Morena Nthati Bereng, kotlo e boima ea lilemo tse mashome a mabeli (20) chankaneng kamora ho mo fumana a le molato oa polao ea Sondane Gomeni.
Moahloli Tลกeliso Mokoko, o lihetse kahlolo ka Labohlano la 3 Pulungoana 2023. Polao ea Gomeni e etsahetse ka la 26 Tลกitoe 2019 pela Ha Ralekone Phamong, Mohale’s Hoek. Qalong ea nyeoe moqosuoa o ne a ipolele a le molato.
Nyeoeng ena mofapa-hlooho o ne o itลกetlehile ka mapaki a mabeli le tlaleho e entsoeng ke sepetlele sa Ntลกekhe mabapi le se bakileng lefu la Gomeni.
Lipaki e bile lefokisi Lance Sergeant Mokuoaneย le Retลกelisitsoe Tลกotetsi ha moqosuoa ka ‘muelli oa hae a ne a itลกetlehile holimโa bopaki ba Lemohang Ntsebeng le Paseka Raboko.
Moahloli Mokoko ha a bala kahlolo o bontลกitse hore lekhotla le lokela ho etsa qeto hore na paki ea bobeli e ea tลกepahala esitana le hore na bopaki ba moqosuoa ke ba โnete kapa che.
A supa hore lefokisi Lance Sergeant Mokuoane e le setho sa sepolesa sa Lesotho sa Phamong Mohale’s Hoek ha a fana ka bopaki o bontลกitse hore o fumane mofu a rapalletse a le leqeba le bulehileng le ho selakhoa molala, a bile a le maqeba matsohong ka bobeli. A tsoela-pele ho bontลกa hore pela hae ho ne ho bonahala mehato ea maoto (footprints).
Mokuoane ha a fana ka bopaki ka la 15 Motลกeanong 2023 o ne a bo teke joana: โKe ile ka fumana tlaleho ka morena oa sebaka hore ho bile le ntoa e bakileng lefu sebakeng se boletsoeng ‘me ka potlakela teng hang le mapolesa a mang. Ho fihleng hoa rona re ile ra leba lilomong moo mofu a neng a le hona teng re tsamaea le banna ba motse le morena.
โHa re fihla mono ke ile ka bona mofu a rapalletse; sefahleho se shebile tlaase a le kahara metsi ‘me metsi ao a le mafubelu tlere! ke mali. Ha ke mo hlahloba ke fumane maqeba a bulehileng a neng a bontลกa a bakiloe ke sebetsa se bohale.โ Lance Sergeant Mokuoane o ne a hlalosetse lekhotla joalo.
Ha a tsoelapele, o bontลกa hore qoqotho ea mofu e ne e bonahala e selakhuoe ‘me pela mofu ho ne ho bonahala mehato ea maoto. O re kamora moo ba ile ba nka mofu ho mo lebisa ‘moshareng. O bontลกa hore ke moo hamorao lipatlisiso li ileng tsa mo lebisa ho moqosuoa.
โMoqosuoa o ile a nkisa habo moo a ileng a mpha thipa eo a ileng a hlalosa hore ke eona eo a e sebelisitseng ho bolaea mofu.โ Mokuoane o ne a bolelle lekhotla joalo.
Ho ea ka Mokuoane, tlaleho e entsoeng sepetlele Ntลกekhe e bontลกitse mofu a ne a na le maqeba a ‘maloa a bontลกang a hlabiloe sefubeng, lebala la hae le le lesootho, matsoho a ruruhile ebile molala o selakhuoe.
O re paki ea bobeli (Retลกelisitsoe Tลกotetsi), o ile a hlalosa ba ne ba le shopong e ‘ngoe ha ba tla lumellana le moqosuoa ho lelekisa mofu ka teko ea ho mo tลกoara. Ba ile ba fela ba mo lelekisa hofihlela a fihla pela ntlo ea motho ea bitsoang Khofotsa. Mofu ha a fihla moo o ile a pota-pota ntlo a kopa thuso empa a se e fumane.
Ke moo mofu a ileng a baleha a theosa ka khohloana, moqosuoa a mo behile merebele. Paki ea bobeli e re moqosuoa o ne a le haufi le mofu ha ba likella ka khohloaneng eaba eena o ema moraonyana, bao ba likelletse.
Paki e re e ile ea bona moqosuoa a hlaha a nyoloha ka khohloaneng a khenathetse mali matsohong a bile a tลกoere thipa e neng e le mali le eona.
Moahloli Mokoko ha a tsoela-pele o re ka lehlakoreng le leng, moqosuoa o bontลกa hore ba ile ba lelekisa mofu hofihlela ba fihla pela ha Khofotsa moo eena a ileng a emella ka ntle. O re ho feta moo, mofu o ile a nka lejoe a mo otla ka lona a ba oela fatลกe.ย O hlalosa hore haย a le fatลกe mofu o ile a mo khakhatha ka molamu.
O re kamora ketsahalo ena, eitse ha a phahama a khutlela shopong. O latotse bopaki bo fanoeng ke paki ea bobeli hore o ile a sala mofu morao ho fihla khohloaneng.
Moahloli Mokoko o re ka chebo ea hae, mofu o felletsoe ke bophelo hobane a nyekentsoe le ho thikhitheloa ka thipa a selakhoa. A tjebela matjoing bopaki ba moqosuoa ha a re mofu o mo otlile ka lejoe ka le reng mofu o ne a se na nako ea ho thoanaka majoe kaha a ne a baleha.
Kamora ho seka-seka mapaki ana moahloli Mokoko o lihetse kahlolo ka ho fa moqosuoa sekoebo sa lilemo tse mashome a mabeli chankaneng ka le reng mofu o timelitsoe ka tsela e sehloho joaloka khoho.
“Ke na le maikutlo a tebileng hore sepheo sa ho bolaea e bile sa maikemisetso, moo sesosa sa lefu se ileng sa reroa esale pele.” Ho rialo Moahloli Mokoko a liha kahlolo. Litaba tse amanang le tsena li ka baloa MONA penya.
