‘MUSO O BATLA SETOPO SA MOBISHOPO SE EPOLLOE
Leihlo la Basotho
La 13 Pherekhong 2024
Mobishopo oa mehleng oa Kereke ea Chache (Anglican Church of Southern Africa) mofu Adam Mallane Taaso o ile a timela ka la 9 Tลกitoe 2023 ‘me lelapa la epela setopo sa hae mabitleng a lelapa kahar’a jarete ea hae Tลกehlanyane, Leribe ka la 16 Tลกitoe 2023. Har’a ba bileng lepatong leo e bile Motlotlehi Letsie III ea ileng a babatsa bosebeletsi bo khabane boo mofu Taaso a bo bontลกitseng ho kereke.
Ho sa le joalo, ho ropohile khang ka lebitla la Mobishopo Taaso kaha lekala la Puso ea Libaka le Borena, Lekala la Lehae le Sepolesa ka Lekhotla la Puso ea Libaka la Tลกehlanyane le hlahletse nyeoe Lekhotleng le Phahameng la Leribe le batla hore lekhotla le laele hore masapo a Mobishopo Taaso a epolloe lebitleng le kahara jarete ‘me a epeloe bocha mabitleng a motse Tลกehlanyane.
Ho ea ka lipampiri tsa qoso, Lekhotla la Puso ea Libaka la Tลกehlanyane le re lelapa la Taaso le tlotse molao oa Bophelo bo Botle oa 1970 (Public Health Order, 1970) ka ho boloka mofu sebakeng se sa tลกoaeloang mabitla ka molao. Molao ona o tataisa sechaba hore litลกa tsa mabitla e lokela e-be tse tลกoailoeng ka molao.
Temana ea 72 ea Public Health Order, 1970 e re litลกa tsa mabitla li tla tลกoauoa ka tsela e latelang: “E tla ba molao hore letona le hloaee libaka tse itseng kahara naha ea Lesotho e le tsa mabitla. Sena letona le tla se etsa ka ho phatlalatsa kasete ea litลกa tse joalo.”
Temana e latelang ea 73 e re litลกa tsohle tsa mabitla tse neng li se ntse li le teng ha molao ona o fetisoa li tla hlohonolofatsoa ke letona ka ho phatlalatsa kasete ea litลกa tseo. Kamora hore letona le phatlalatse kasete litลกa tseo li tla nkoa e le mabitleng ka molao.
Ho sa le joalo lelapa la Taaso le re le epetse mofu oa lona mabitleng ao e leng khale a tลกoauoe kaha ho na le bafu ba bang ba lelapa hona moo.
Mora oa mofu a buisana le koranta ea The Post, Adv. Taaso o hlalositse hore ntat’ae o na le jarete e kholo ‘me karolo ea eona e tลกoaetsoe setลกa sa mabitla. “Setลกa seno ke sa lelapa sa mabitla, esale se tลกoauoa khale haholo.” Taaso o rialo.
O tsoela-pele: “Lelapa leso le qalile ho sebelisa sebaka seo ho bolaka bafu ka 1963, e leng lilemo tse supileng pele molao ona o fetisoa. Haesale bafu ba rona ba ntse ba epeloa mono ‘me ke lekhetlo la pele re utloa re thibeloa ho boloka mofu mabitleng ano.” O li beha joalo.
O menyelelitse litaba tsa hae ka tletlebo ea hore lelapa la bo lea khetholloa kaha malapa a mang esale a itsoella-pele ho epela bafu mabitleng a kahara majarete a bona ‘me ha ho e-s’o be motho ea reng letho ho malapa a joalo.
– The Post, tlaleho e ‘ngoe ka Leihlo la Basotho News
