MOKOKO O LAHLELA MONNA TSE 25 TORONKONG
Ka Moipone Makhemeng
La 27 Tlhakubele 2023
Dumisani Mfihlo (25), monna oa Tereseng, Qacha’s Nek o fumanoe a le molato oa ho bolaea Atang Makhathatso ka la 22 Tลกitoe 2018, Qacha’s Nek.
H’a liha kahlolo, Moahloli oa Lekhotla le Phahameng Maseru, Ts’eliso Mokoko o mo ahloletse ho hoehla chankaneng lilemo tse 25 ntle le ho itefella.
Paki e bileng ka pele ho lekhotla ka Labohlamo e bile lefokisi la sepolesa, Inspector Qophe. Eena o ile a tekela lekhotla tlhaloso eo moqosuoa a ileng a mo fa eona. Insp. Qophe o re Mfihlo o ile a re o khakhathile mofu Atang Makhathatso ka lebaka la hore o kile a chesa ntlo ea hae.
Bopaking bo tekiloeng hape bekeng e fetileng ka Labone, paki ea pele, monghali Thethi Fasi o bontลกitse ha moqosuoa ka la 22 Tลกitoe 2018 a ile a hlasela mofu Atang Makhatatso a mo khakhatha ka lebetlela. Paki e re e ile ea leka ho tลกoara moqosuoa le ho namola ‘me mofu le eena a leka ho itoanela ka litebele. Paki e re e ile ea oela fatลกe ha Atang a tla baleha moqosuoa.
Dumisani Mfihlo [Foto: Facebook]
O hlalosa ha moqosuoa a ile a mo khakhathela moo ka lebetlela. Paki e re mofu o ne a sa nka letho leo e ka bang sebetsa nakong eo.
Khabareng paki e re ho na le monna e mong ea ileng a fihla ‘me ba leka ho kakasa lehlatsipa ho le isa motseng. Leha ho le joalo, paki e re mofu o ile a hoelehetsa ka seboko moo a neng a rapalletse teng ke moo ho ileng hoa utloahala moqosuoa a ntลกa puo e reng: โHele! Satane ee e entse e phela banna!โ Ka ho cho joalo a khutlela moo mofu a neng a rapalletse ho mo qetela ‘me paki e itse e ile ea khetha ho tsamaea kaha eo a ne a se a sa thibehe โme a re bopaki ba hae bo fella moo.
Ho boetse ho ile hoa ema paki ea bobeli khahlanong le moqosuoa, e leng Tumelo Mohoma (22) oa hona Qachaโs Nek. Eena o hlaloselitse lekhotla hore o ne a tsoa โshopongโ le e mong Refiloe ha ba fumana kepisi, mohala oa thekeng le baki tseo a ileng a tseba hore ke tsa mofu hamorao hore a li hlahlobe.
Ho sa le joalo, paki ea bobeli e re ho fihlile e mong ea bitsoang Thapelo ea ileng a ba tsebisa hore ho fetile batho ba babeli ba neng ba loana lehoja a sa ka a tseba na ke bo-mang.
O re ba ile ba ea ‘moho ho ea bona se etsahalang ‘me pele ba tlola totomanyana ba ile ba utloa ho lumaela hoa motho ba ntโo leba teng moo ba ileng ba fumana mofu a rapalletse fatลกe a le maqeba a tลกosang. Paki e re lehlatsipa le ile la hlalosa hore ke Dumisani ke eena ea mo lemalitseng. O re moo ba ntseng ba leka ho isa mofu hae, Dumisani o ile a fihla a le mahlo a ntoa โme a tsoelapele ho khakhatha mofu.
Ho ea ka tlaleho ea paki ena, batsoali ba mofu le mofumahali ba ile ba fihla โme lehlatsipa le ile la potlakisetsoa sepetlele Machabeng, Qachaโs Nek.
Mochochisi o boetse a teka kapele ho lekhotla tlhaloso e fanoeng ke โmeโ oa mofu e hlalositseng hore kamorao hore ba fihle sepetlele mofu a hlatsuoe maqeba o ile a rokoa maqeba a mararo hloohong, hoa boela hoa rokoa a mabeli setsoeng โme ha tลกebetso ea baoki e felella lehlatsipa le ile la hemela tlaase qetellong la hlokahala.
Mochochisi nyeoeng ena e bile Adv.Tลกeliso Fuma ha ‘muelli oa moqosuoa e le Adv. Teboho Tลกehisa.
