MAPOLESA A THIBELA TELEKO LEKHOTLENG
Ka Moipone Makhemeng
La 24 Loetse 2023
Litho tse peli tsa sepolesa sa Lesotho, tse mathuleng a ho lelekoa mosebetsing, Police Constable Tumelo Shoaepane le Thabang Nthebe ba hlahletse nyeoe e potlakileng lekhotleng le phahameng la Maseru ho thibela teleko e ba tjametseng.
Baikarabelli nyeoeng ena ka tatellano ke mookameli oa sepolesa, Mookameli oa Sepolesa Maseru e Toropong (boto ea khalemo), Letona la Sepolesa le Ramolao e Moholo oa ‘Muso. Balli ba buelloa ke Adv. R. Maepe.
Shoaepane le Nthebe ba re ba ile ba qosoa ka boqhekanyetsi le ho rua sethunya ka thoko ho molao ke bookameli ba Sepolesa pejana ka Phuptjane monongoaha.
Shoaepane o hlalosa lipampiring tsa lekhotla: โKa la 7 Phuptjane 2023, โna le Thabang Nthebe, re ile ra fumana mangolo a qoso ho thoe re robile temana ea 45 ea Molao oa Sepolesa. Re qosoa โmoho ka boqhekanyetsi le ho ba le sethunya ka thoko ho molao. Re ile ra tsebisoa hore tulo ea khalemo khahlanong le rona e tla ba ka la 20 Phuptjane 2023.โ O li beha joalo.
Shoaepane o re ba ile ba tsebisa leqoetha la bona ka nyeoe e ba tobileng.
Lithapeling tsa balli, ba batla hore mookameli oa sepolesa a thibeloe ho ba leleka hofihlela nyeoe ena e felile. Ba boetse ba batla hore lekhotla le laele moikarabelli oa pele le oa bobeli ho fana ka metsotso ea tulo ea khalemo ea bona e bileng ka la 19 Phuptjane 2023.
Ba re qeto ea Mookameli oa Sepolesa ho khina meputso ea bona matsatsi a 21 le mohopolo oa ho ba leleka li lahleloe matjoing kaha li fosahetse ebile li ka thoko ho molao.
โNyeoe e ile ea tsoela-pele empa kaha e ne e hopoletsoe ho lula matsatsi a mabeli kapa a mararo, ‘muelli oa rona o ile a kopa boto e tlo mamela nyeoe hore tulo e chechisoe kaha o na le nyeoe e potlakileng kapel’a moahloli ‘Mabatลกoeneng Hlaele ka la 21 Phuptjane 2023. Boto e ile ea amohela kopo ea hae.โ O hlalosa joalo bopaking ba hae.
O boetse o teka taba hore boto e ile ea etsa litlhopiso ka le reng leqoetha le tle le e tsebise hore na le tla ba teng letsatsing le hlahlamang kamora tinare.
โRe ile ra makala ha re fihla PTC moo nyeoe e neng e tลกoaretsoe teng ha re bolelloa ke boto hore nyeoe e tlilโo tsoela-pele akhente ea rona e le sieo. Re ile ra hanana le seo ra re ho ngoloe fatลกe hore ha re lumellane le qeto e joalo.
“Ha tulo ea khalemo e tsoela-pele, nakong ea lipotso tsa phapanyetsano, mofuputsi oa nyeoe o ile a hloleha ho hlahisa sethunya seo re neng re qosoa ka sona.
โKe ile ka makala ha ho se ho fanoa ka sona nakong ea lipotso tse ling tsa phapanyetsano. Se ileng sa re makatsa hape ke hore ha kea fuoa monyetla oa ho hlahloba sethunya seo ho latela molao oa bopaki. Ke boetse ka haneloa ho hloma mofuputsi oa nyeoe lipotso mabapi le sethunya seo.โ Ke Shoaepane lipampiring tsa lekhotla.
O re ho sa natsehe ho se khotsofale hoa bona, nyeoe e ile ea phetheloa ka ho fumanoa ba le molato joalokaha ba qositsoe. Leha ho le joalo, o re o ile a bontลกa maikemisetso a ho ipiletsa khahlanong le qeto ea boto ea ho ba fumana ba le molato. Shoaepane o lomahantse meno hore ha ba na molato. O re o ile a kopa lirekote tsa tulo eo empa esale a li tลกepisoa.
“Ke ile ka makala haholo, ha re fumana mangolo ka la 16 Loetse 2023 a re laelang hore re fane ka mabaka hore hobaneng re ke keng ra lelekoa mosebetsing.” Shoaepane o phethela joalo.
