BACHOCHISI BA ITOKOLLA NYEOENG EA METSING, KAMOLI LE BA BANG
Ka Moipone Makhemeng
La 4 Phato 2023
Adv. Shaun Abrahams le Adv. Motene Rafoneke e le bachochisi linyeoeng tsa moeta-pele oa Lesotho Congress for Democracy, Mothetjoa Metsing moo a qosoang ka teko ea ho liha ‘muso le ba bang, ba itokollotse.
Bachochisi bana ba nkile qeto ea ho itokolla linyeoeng tse hlano tse hlahelletseng lebitsong la Mochochisi e Moholo, Adv. Hlalefang Motinyane. Moahloli ‘Maliepollo Makhetha oa Lekhotla le Phahameng o amohetse kopa ea bona ea boitokollo maobane.
Moahloli ‘Maliepollo Makhetha
Linyeoe tseo ba itokollotseng ho tsona li kenyeletsa tse ling tse ‘ne moo ho qosoang molaoli oa mehleng oa sesole, Lieutenant General Tlali Kamoli, le litho tse ling tsa tลกireletso. Lebaka la ho ikhula hoa bachochisi ke litaba tseo ba reng ke tsa tsamaiso le hoja ba sa senole lintlha mabapi le litaba tsena.
Ho sa le joalo, babuelli ba baqosuoa ba hlalositse taba ena ea ho itokolla hoa bachochisi e sa ba tลกoara hantle ba bile ba bontลกitse e ba bakela moferefere. Ba re ha ba tsebe hore ho etsahala joang.
Adv. Motiea Teele (KC) o ile a etsa kopa ea hore Moahloli Makhetha a fane ka taelo ea hore bachochisi bana ba laeloe ho tsoela-pele ka nyeoe kapa ba se hlole ba lumelloa ho tsoela-pele pele ka eona. Teele o ile a bontลกa hore lena ha se lekhetlo la pele ba re ba itokolla empa hamorao ba boele ba tsoele-pele ka nyeoe hape.
Adv. Motiea Teele (KC)
Ka tsela e tลกoanang, Adv. Lepeli Molapo o ile a tlatsa maikutlo a Adv. Teele. Adv. Molapo o ile a kopa hore kopo ea bachochisi ba boletsoeng e se lumelloe molemong oa hore e se bake tลกitiso ho lekhotla tsamaisong ea linyeoe tsena. Leha ho le joalo, Moahloli Makhetha o ile a fana ka qeto ea ho lumela boitokollo ba bachochisi bao.
Ho sa le joalo, kopo ea beile ea baqosuoa ba babeli, Motloheloa Ntsane le Leutsoa Motsieloa e ileng ea hlahleloa ke Adv. Molapo, e tla mameloa ka la 18 Phato 2023 kaha Adv. Motinyane o ile a etsa kopo ea hore a il’o e sheba kaha a ne a se leseling la kopo e joalo ‘me lekhotla la fana ka tumello.
Maletsunyane 2023
