BABELAELLOA POLAONG EA JOKI, MOTHIBE, NTSANE KHOTLA
Ka Moipone Makhemeng
La 26 Phuptjaneย 2023
Mofu Ralikonelo Joki, ea neng a sebetsa seea-le-moeeng sa Tลกenolo FM, o ne a timele kamora ho fafatsoa ka lethala la likulo bosiung ba la 14 Motลกeanong 2023 a le hekeng ea jarete ea Tลกenolo FM hang hoba a theohe khaso a se a palame koloi ea hae a leba lapeng.
Banna ba bane ba ile a tลกoaroa borokhong ba Maseru ka la 21 Phuptjane 2023. Seo se ile sa latela phatlalatso ea sepolesa ‘mokeng oa bo-ralitaba ha se tsebisa bophatlalatsi khatelo-pele e khathiloeng litabeng tsa mofu. Sepolesa se bile sa maneha lifoto tsa babelaelloa maboteng a marang-rang ho kopa sechaba ho se thusa.
Kajeno ba ile ba hlaha khotla ‘me nyeoe e mametsoe ke ‘Maseterata Peete Molapo ha mochochisi e le mofumahali Hlojeng.
Moqosuoa oa pele ke Mothusi Tlelase (31), oa Koti-Sephola, Mokema, Ha Morena Mitchel Maama, oa bobeli ke Sootho Liphoto (35) oa Koti-Sephola, Mokema Ha Morena Mitchel Maama, ea lulang Ha Abia, oa boraro ke Kamo Phakoe (35) oa Jorodane Ha Letsie ea lulang Qoaling le Mokema hammoho le Moabi Sesioana (32) oa Koti-Sephola-Mokema ea lulang Clerksdorp Afrika Boroa.
Lekhotla ha le ba balla qoso le hlalositse hore ba thuntse eo mofu hohle ‘melengย ba baka lefu la hae ba le kantle ho Tลกenolo FM, Lower Thamae, Maseru ka la 14 Motลกeanong 2023.
Qoso ea bobeli ho qosoa baqosuoa bao ntle le Kamo Phakoe. Mona baqosuoa ba qosoa ka ho baka mafu a mabeli e leng a Mothibe Mothibe ekasitana le Thomello Ntsane moo lekhotla le reng ka tsela e tลกoanang ba ile ba ba fafatsa ka lethala la likulo hohle ‘meleng ba baka mafu a bona sebakeng sa Mokema bosiung ba la 20 Motลกeanong 2023.
Lekhotla ha le ea ba botsa hore na ba molato kapa che liqosong tsena kaofela.
Baqosuoa ba tla ba hlaha khotla hape ka la 4 Phupu 2023. Hajoale ba theohetse chankaneng ho emela nyeoe ea bona ha lipatlisiso li tsoela-pele.