ALLIANCE FRANÇAISE E KETEKA FRANCOPHONIE
Ka Moipone Makhemeng
Leihlo la Basotho – La 11 Tlhakubele 2023
Sehlopha sa Sages Comme Des Sauvages ho hlaha lefatšeng la France se ile sa tso’ara konsarete Ouh la la, Alliance Française, Maseru shoalaneng ea Labone ho keteka Letsatsi la Francophonie le ketekoang lefatšeng ka bophara selemo le selemo khoeling ea Tlhakubele ka la mashome a mabeli a metso e ‘meli.
Hlooho ea Tšebebelisano le Litaba tsa Bochaba ho tsoa boemeling ba France Afrika Boroa, Lesotho le Malawi mohlomphehi Ludovic Cocogne o bile teng moketeng ona oa Francophonie.
Mohlomphehi Cocogne, Elisabeth Douillet le libini
Motsamaisi oa Alliance Française de Maseru le France Honorary Consul, Elisabeth Douillet o totobalitse hore boteng ba mohlomphehi Cocogne moketeng ona bo bile bohlokoa haholo kaha bo pakahatsa hore ruri monghali Cocogne o thahasella ho sebelisana le Lesotho haholo.
Ha a tsoela pele o bontšitse hore ka letsatsi le hlahlamang sehlopha sa Sage Comm de Sauvage se ile ea tšoara konsarete ea mahala le bana ba sekolo sa setso ‘me ba bile motlotlo haholo.
E le ho thabisa ba neng ba bokane moo, lihlopha tsa lehae Revnation, Mosimoli ‘Mamphei le Denis Sky ba ile ba hloella kalana ho thabisa batho ka ‘mino oa bona o monate.
Boha litšoantšo ho slide show sea latela:
Sages Comme Des Sauvages
Sages Comme Des Sauvages
Sages Comme Des Sauvages
Sages Comme Des Sauvages
Sages Comme Des Sauvages
Sages Comme Des Sauvages
Sages Comme Des Sauvages
Sages Comme Des Sauvages
Revnation
Revnation
Revnation - Mosemoli 'Mamphehi
Revnation - Mosemoli 'Mamphehi
Revnation- Dennis Sky
Revnation- Dennis Sky
Revnation- Dennis Sky
Babohi
Revnation
Baeti ba bohlokoa
Baeti ba bohlokoa
Ho ea ka ofisiri ea liphatlalatso le setso Alliance Française monghali Nkopane Shoele, mokete ona o ntse o ketekoa selemo le selemo empa ona ke o moholo ka hofetisisa mongoaheng ona, kaha e le lekhetlo la mathomo lihlopha tse hlahang ka ntle ho naha joalo ka Sages Comme Des Sauvages li ba le seabo.
Shoalaneng ea maobane ho boetse ho tsanyaotse se seng sa lihlopha ho hlaha naheng Afrika Boroa ‘me konsarete e ne e tšoaretsoe ntlong ea lino le lijo Café What e le ho ntšetsa mokete ona pele.
Monghali Shoele tlhalosong ea hae ka nalane ea letsatsi lena o supile ha e le letsatsi leo ka lona ho ketekoang bonngoe ba linaha ka kakaretso moo ho buuoang puo ea French. Ha a tsoelapele o supa hore thomo ea Francophonie e hlalosoa e le ho keteka puo ea French le mefuta-futa ea setso le lipuo. A bontša hape hore li sebelisoa tsa sehlopha sena se hlahang France li ntse li potoloha le lefatše ho keteka letsatsi lena.
Ketekong ea letsatsi lena ho boetse hoa tsanyaola libini tse ling ho hlaha ka hare ho naha, bao ‘mino oa bona o neng o ama maikutlo le mantsoe a bona a le matla. Bona ebile Revnation, le Mosimoli ‘Mamphei le Denis Sky.
