MATLAMA E TLABOLA BANTU 2-1
La 12 Tlhakubele 2023
Makejakejane a Makaoteng a etetse Maseru maobane a tseba hantle hore noha ha e qaloe mokoting. Papaling ea Vodacom Premier League e bileng Setsoto Stadium hona maobane, Bantu FC e tlohile e khoaphelitse mohatla kamora hore Matlama FC, Tse Putsoa tsa Maseru e e tloebe ka lintlha tse peli ho e le ‘ngoe (2 -1)
Ntlha ea pele papaling ena e ile ea kena ka letloheng ka leoto la Jane Thaba-Ntšo motsotsong oa 15 papali e thakhohile ho qatsohisetsa Matlama ka pele. Bashemane ba neng ba bapala ka pela letšoele le neng le le lengata ba ile tsoha molata. Motsotsong oa 29, Phafa Tšosane o ile a e lahlela kahare ho letloha ho beha Matlama ka pele hape ka ntlha tse peli ho lehe (2 -0).
Libapali li tseka bolo
Ha ho uoeng banna!
Mohlankana oa BANTU
Abram Mongoya, Mokoetlisi oa Bantu
Lets'oele laLets'oele la Bantu Bantu
Mots'ehetsi oa Matlama
Mots'ehetsi oa Matlama
O thabisa lets'oele ka ho bapalisa mollo
Lets'oele la Bantu
Sebapali sa Matlama
Sebapali sa Matlama
Lets'oele la Bantu
Lets'oele la Matlama
Sebapali sa Matlama
Ho thata ka lebaleng
Ho thata ka lebaleng
Sebapali sa Bantu
Bolo e tla tloha e le huku
Sebapali sa Bantu
Mokoetlisi oa Matlama (left)
Bahlanka ba Bantu ba lekile ho loana senna ‘me Litšepe Marabe ea ileng a kena ho hlaha bencheng o ile a hlaba ntlha motsotsong oa 40 pele li ea khefutsong. Papali e felile Tse Putsoa li khoaetse linltha tse tharo tsa tlholo ka ho mamola Bantu 2-1. Leha ho le joalo, Bantu e ntse e itlhomme pele lokong ea Vodacom Premier League kaha e ntse e le ka pele athe Matlama e nyolohetse boemong ba bohlano lokong.
Mohlankana oa hlakothisa
Baeti ba ne ba itlhophile joana:
1. Thabo Selisa, 2. Tšoanelo Koetle, 3. Motlomelo Mkhwanazi , 4. Leluma Posholi , 5. Thabo Lesaoana, 6. Neo Mokhachane, 7. Maloisane Ramasimong , 8. Thato Sello , 9. Lehlohonolo Fothoane , 10. Thabo Mafatle, 11. Tséliso Botsane athe benchele e ne e le Ntsane Lichaba(GK), Lindo Phungulwa, Katleho Sefuthi, Litšepe Marabe, Shali Lekhotla, Sinethemba Ncamane le Itumeleng Falene. Mokoetlisi ke Abram Mongoya.
Tse Putsoa li ne li tlamme joana:
1. Monaheng Ramalefane, 2. Motete Mohai, 3. Thabo Matšoele, 4. Tšeliso Lekhooa, 5. Paballo Mafeka, 6. Tšepang Ntsenyane, 7. Lerotholi Zwane, 8. Santi Ntšohi, 9. Lazola Tjokojokwana, 10. Phafa Tšosane le 11. Jane Thabantšo.
Bencheng ho ne ho lutse: Khoanyane Mokoena, Thabiso Mari, Tšokolo Nyamatane, Retšelisitsoe Moepi, Nkopane Tabi, Lefu Theko le Leluma Mofoka. Mokoetlisi ke Halemakale Mahlaha.
Maemo a lihlopha – 12-3-2023
