SESOSA SA TS’OARO EA MOJAPELA SEA HLAHELLA
La 18 Mphalane 2023
Letona la Sepolesa kajeno le tlalehetse ntlo ea paramente lebaka le bakileng ts’oaro ea moeta-pele oa Socialist Revolutionaries (SR) Teboho Mojapela.
“Ke ile ka bua le mookameli oa sepolesa ho fumana hore na ho etsahetse joang ha ke qeta ho bona taba ena ea hore o ts’oeroe ho marang-rang.
“O ntlhaloselitse hore e ne e le lipakeng tsa 12:40pm le 1pm pela Hloohlo Primary School le Tren Tyre ‘me moo mohlomphehi o ile a emisoa teng ke mapolesa a tsamaea le batho ba hae bao e leng li-body guards ba tsamaea ka likoloi tse ts’eletseng.
“Bao a neng a tsamaea le bona ba ne ba ts’oere lithunya tse ngata haholo. Mohlomphehi h’a ts’oaroa empa ho ntse ho etsoa lipatlisiso ka taba tseo.” Ho rialo Lebona.
