BA BOLAILENG BATHO KA SABOLE BA FUMANOA BA LE MOLATO
Ka Moipone Makhemeng
La 16 Phuptjane 2023
Baqosuoa Rankakata Moiloa le Matanya Moiloa ba hlahile Lekhotleng le Phahameng Maseru maobane kapele ho moahloli ‘Mabatลกoeneng Hlaele. E ne e le letsatsi la ho liha kahlolo nyeoeng ea bona. Bobeli ba qosoa ka ho bolaea Teke Chere Letsapo, Realeboha Letsapo esita le ho lematsa e mong Tsotang Qofa.
Baqosuoa ke matsoalloa aย Pae-Lea-Itlhatsoa ha Morena Letsie Seeiso, Mokhotlong. Babuelli ba bona ke Adv. Tลกoeunyane Mokobori le Adv. Fumane Maieane ha ‘muelli oa Mofapa-hlooho e le Adv. Fuma.
Baqosuoa le ba bang ba babeli bao tlaleho ea lekhotla e bontลกitseng hore qoso ea bona e arotsoe kaha e mong e se e le mofu ha e mong a iphile limenyane.
Adv. Tลกoeunyane Mokobori, ‘muelli e mong oa baqosuoa
Qoso e re ka la 11 Hlakala 2013, baqosuoa ba ile ba hlasela bafu ba boletsoeng le Qofa ka lilepe, sabole le thipa ea Okapi.
Moahloli Hlaele o hlalositse hore paki ea pele ea mofapa-hlooho ebile ausi oa letsoele le bafu e leng ‘Matlatso Malatsa. Bopaking ba hae o bontลกitse a ile a feta mofu oa pele Chere a tsamaea le ‘me’ oa hae.
Ke moo eitseng ha a qeta ho tลกela khohloana a ileng a utloa seboko ‘me ha a lahlela mahlo a bona banna ba bane e mong a tabanya ‘m’e oa hae fatลกe ha ba bang ba lelekisa Chere.
Bopaki bo tsoela-pele ho supa hore ea neng a setse le ‘m’e oa mofu o ile a mo siea a kenella ho ba neng ba khakhatha mofu a oeleย fatลกe. O ile a tsoha a leka ho baleha. Bopaki bo supa ha banna bana ba ne ba mo khakhatha ka sabole le lilepe.
Matlatsa o bontลกitse hore ha a fihla ho Chere o ne a se a shoele ‘me ba neng ba mo loantลกa le bona ba le sieo. O re Chere o ne a le maqeba hloohong ebile a pshatlehile lehata. Paki e boela e bontลกa hore e ile ea bona Qofa a ntse a soballa fatลกe a le leqeba phatleng.
Bopaki ha bo tsoela-pele bo re ha Matlatsa a il’o lata Realeboha (mofu oa bobeli) a hlabile seboko, paki e ile ea bona Realeboha a oela fatลกe ha banna ba bane ba hlasetseng mofu oa pele ba fihla ho eena ba halefile ka mahlapa a tala.
Ba ne ba batla ho mo chesa empa a ba kopa ho se etse joalo ‘me bao ba mo utloa ba nt’o tsamaea. Ho utloahala ha sepolesa se ile sa fihla ho phutha litopo tseo tse peli.
Adv. Fumane Maieane, ‘muelli e mong oa baqosuoa
Paki ea bobeli e bile Lilemo ‘Motsi ea bontลกitseng hore o ile a bona Rankakata, Moeketsi le Ntลกele ba bolaea bafu ‘me o ba bone hobane a ne a lisitse likonyana.
Ha a tsoela-pele ka mapaki a tekiloeng, moahloli Hlaele o bontลกa paki ea boraro ebile Nthabiseng Letsapo eo a bontลกitseng ha a ile a utloa seboko sa motho ea neng a kopa thuso ka le reng Rankakata o hlaba mofu oa pele ka lerumo ha Qofa le Realeboha ba ne ba le ka tlung ba inoella mothamahane ebile ba se na libetsa ho hang.
Paki ena ho utloahala e ile ea bontลกa moqosuoa oa bone e leng Matanya a ile a ema kapel’a mofu oa bobeli ka tsela ea ho mo khaoletsa.
Rankakata eena a nka lejoe a mo otla mohlareng a ba a re sihla fatลกe. Paki e re mosali oa mofu o ile a leka ho namola empa eo a hlaba mofu ka lerumo ha ba qeta ba leba ha mofu ho chesa ntlo.
Adv. Fuma, ‘muelli oa mofapa-hlooho
Paki e re leha ho le joalo, Matanya o ile a ba thibela ho etsa joalo ‘me ba mo mamela. Kamora tsena tsohle baqosuoa ba ile ba sutha sebakeng.
Ho sa le joalo, moahloli Hlaele o bontลกitse hore Adv. Mokobori e le ‘muelli oa baqosuoa, o boletse ha ba bolaileng le ho hlaisa e mong likotsi e le Moiketsi le Ntลกele, e leng bao e mong a ineng sebono metsing ha e mong e le mofu.
O re Adv. Mokobori o hlalositse hore baqosuoa ba kapele ho lekhotla e ne e le banamoli kapa bakena-lipakeng feela. ‘Me o bontลกitse hore ntho eo Rankakata a e sebelisitseng e ne e se lerumo empa molangoana oa tลกepe.
Ho feta mona, moahloli Hlaele o tekile hore Adv. Mokobori o fileย lekhotla hore bopaki bo tekiloeng ke Nthabiseng ha se bo tลกepahalang kaha e le morali oa mofu e mong.
Ha a qetella moahloli o bontลกitse hore o fumane mapaki a tekiloeng a sa mo kholisi hore baqosuoa efeela e ne e le banamoli.
“Ke fumana banna ba bane bana e le ba jarang boikarabello ba ho bolaea Teke, Realeboha le ho lematsa Qofa.” Moahloli Hlaele o qetella joalo.
Kamora ho seka-seka tsena, beili ea baqosuoa e ile ea hlakoloa hang-hang ‘me ba lebisoa toronkong. Babuelli ba bona ba tla hlaha kapele ho lekhotla ka Mantaha ho ba kopela kotlo e bobebe ‘me ba boele ba hlahe hape lekhotleng ka Laboraro ho mamela hore na kotlo e tlo ba ho hoehla lilemo tse kae toronkong.
