MOJAPELA O LELEKA SHAO
La 14 Tlhakubele 2023
Likhohlano lipakeng tsa moetapele oa Socialist Revolutionaries (SR), Monghali Teboho Mojapela le setho sa komiti e kholo boemong ba molula-setulo oa liboka monghali Thabo Shao li fihletse sehlohlolo ka teleko ea Shao Komiting e kholo. Shao ka ho tšoana le eena o ngotse lengolo a itokolla le ho nyahlatsa SR.
Thabo Shao
Pejana Mojapela o ile a ngolla Shao lengolo leo a neng a mo kopa hore a hlalose mabaka ao ka ‘ona a ke keng a mo behella ka thoko ho komiti e kholo ka mabaka ao Mojapela a neng a re ke a boitšoaro.
Kamora hore Shao a hloloe ho araba lengolo leo a ileng a le ngolloa ke moetapele, Mojapela o nkile ea ho leleka Shao komiting e kholo ka lengolo la la 7 Tlhakubele 2023 le balehang joana:
Ho sa le joalo, Shao le eena o ngotse lengolo moo a bontšang a itokolotse. Shao o bontšitse a fumane lengolo le mo lelekang komiting e kholo la Mojapela la la 7 Tlhakubele 2023 ‘me a re o nkile qeto ea ho itokolla komiting le ho ba setho sa lekhotla.
Bats’ehetsi ba SR
“Ke masoabi hore ke nkile qeto ea ho itokolla mokheng oa hau ka lebaka la tsamaiso ea hau e bohla ea bohatelli. Ha u oa ba moetapele ea busang ka mehlala kahara lekhotla.
“Ke batlile metsotso ea liqeto tsa komiti e kholo ho uena ka makhetlo empa o hlotsoe ho mpha eona. Kaha ke qeto ea hau u le mong ho nteleka komiting e kholo ke nkile qeto ke sa khanane ho arahana le lekhotla la SR.” Lengolo la Shao le baleha joalo.
