SOARE SA THABANE KHOTLA KA BOBOLU

SOARE SA THABANE KHOTLA KA BOBOLU

Ka Moipone Makhemeng

La 23 Hlakola 2024

Banna ba Basotho ba babeli Tsebang Ramoholi (33) oa Morena Mathealira seterekeng sa Mokhotlong le Thabang Mokhosi (34) oa Ha Abia Maseru ba hlahile ha khutšoane lekhotleng la Maseterata Maseru kapele ho maseterata Motlatsi Kolisang ba tjametsoe ke qoso ea ho tlola litemana tsa thibelo ea bomenemene le melato e amanang le moruo.

Lengolo la qoso le supa hore ka khoeli ea Hlakola monongoaha sebakeng se sa tsejoeng ho bochochisi Maseru, baqosuoa ‘moho kapa ka morero o tšoanang ba ile ba etsa ketso ea bobolu ka hore moqosuoa oa pele e le motho ea khethehileng (private person) ha oa bobeli e le mohlanka oa ‘muso lekaleng la bophelo, ba ile ba amohela masiba a limpshe ka ho tšepisa ho fa batho mosebetsi lekaleng la bophelo kapa ho phahamisa bahlanka ba lekala leo mosebetsing.

Baqosuoa ba lokollotsoe ka beile ea M2000 motho ka mong eo ba hlolehileng ho itefella eona ‘me ba tla tsoa ba ntse ba le chankaneng ho emela nyeoe ea bona. Ba tla hlaha lekhotleng hape ka la 5 Tlhakubele 2024.