NYEOE EA HO AMOHA BO-MACHESETSA LIFONO
Ka Moipone Makhemeng
La 6 Phuptjane 2023
Moetapele oa Basotho National Party (BNP), Machesetsa Mofomobe ‘moho le motlatsi oa seboholi oa Democratic Congress (DC) Moeketsi Shale, ba hlahile kapele ho Lekhotla la Molao oa Motheo maobane ba qosa ‘muso malebana le mehala ea bona.
Ka la 16 Motลกeanong 2023, moetapele oa BNP, Machesetsa Mofomobe o ile a eteloa ke litho tsa tลกireletso tse neng li tlisitse samane (warrant) e tsoang ofising ea tona-kholo ka boemo ba hae e le letona la tลกireletso.
Samane e ne e laela hore mautloela a nke lifono tsa Mofomobe ka sepheo sa ho li fuputsa ekasitana le ho etsa likopi tsa melaetsa e amanang le tลกebetso ea mautloela e ka fumanoang mehaleng ea hae.
Balli, Machesetsa Mofomobe le Moeketsi Shale
Samane e ne boela e laela hore mehala e tle e bolokoe ke mautloela nako ea matsatsi a tลกebetso a 30 ho etsa lipatlisiso. Samane e ne e tekenetsoe ke letona ofising ea tona-kholo, Limpho Tau lebitsong la tona-kholo Sam Matekane eo ebileng e leng letona la tลกireletso.
Mofomobe nakong eo a fuoang samane shoalaneng ea la 17 Motลกeanong 2023, o ne a hane ho fana ka lifono tsa hae ho leutloela le neng le felehelitsoe ke lepolesa. O ne a re lebaka la ho hana ka mehala ea hae ke hore mautloela ha a na matla a ho nka lifono tsa hae kapa ho mo fuputsa kaha oo ke mosebetsi oa sepolesa.
Ka lehlokoreng le leng, monghali Shale o ile a fumana lengolo le tลกoanang eaba ‘muelli oa hae Adv. Tempo Lesupi o mo eletsa ho nehelana ka mehala eohle ea hae ho mautloela.
Mahamo a nyeoe a ile a mameloa ke Moahloli e Moholo, Sakoane Peter Sakoane a tลกehelitsoe ke baahloli Moneuoa Kopo le ‘Malebona Khabo.
Baahloli ba neng ba mametse nyeoe; ‘Malebona Khabo, Sakoane Sakoane le Moneuoe Kopo.
Molli oa pele, Moeketsi Shale o buelloa ke Adv. Tempo Lesupi, athe oa bobeli, Machesetsa Mofomobe o buelloa ke Adv. Christopher Lephuthing. Baikarabelli ke tona-kholo, mookameli oa mautloela, Pheello Ralenkoane le ba bang. Bona ba buelloa ke Adv. Moshoeshoe.
Tona-kholo ha a ka hlahlela mapaki a hanyetsang kopo ea balli ho thibela hore mehala ea bona e se nkoe ke mautloela ‘me ke mookameli oa mautloela feela, Monghali Ralenkoane ea hlahletseng bopaki ho thibela kopo ea balli.
Mookameli oa mautloela bopaking ba hae o tsitlalla hore mehala ea Mofomobe e lokeloa ho nkoa e phenngoe kaha a belaelloa litlolong tsa molao tse latelang: polao ea seboholi sa Tลกenolo FM Ralikonelo Joki, o kena-kenana le tลกireletso ea naha ka ho fumana makunutu ‘ohle a mautloela ao a a fuoang ke e mong oa mautloela – Ithabeleng Pitso. Hlooho ea Mautloela e hlalosa Pitso e le nyanyaula ea Mofomobe. Lebaka la ho qetela ke hore Mofomobe o fuputsoa ka botlokotsebe ba ho hlatsoa chelete.
Shale eena o belaelloa ka ho ameha polaong ea Joki.
Adv. Tempo Lesupi, akhente ea Moeketsi Shale
Adv. Tempo Lesupi ha a lahla malepe o hlalositse hore ho amoha babuelloa ba bona mehala ke ho hatikela litokelo tsa bona tsa mantlha tsa botho ekasitana le bolokolohi. Ho feta mona, ba re lekhotla le lahlele matjoing samane ea tลกoaro ea mehala ea balli kaha e tekenetsoe ke motho ea se nang boemo ba ho etsa joalo – letona ofising ea tona-kholo, Limpho Tau.
Khang ea maqoetha a balli ke hore letona leo ha le na matla a ho tekena lebitsong la tona-kholo empa motlatsi oa tona-kholo a ntse a le teng.
Leha ho le joalo Moahloli e Moholo o ile a makalla ‘muelli oa molli oa pele Adv. Lesupi ka ho lumela hore ‘muelloa oa hae (Shale) a fane ka lifono empa oa khutla o re lifono li fanoe ka thoko ho molao. “Feela ke uena ea lumetseng hore ‘muelloa oa hau a fane ka mehala.” Ho makala Sakoane.
Ha a hatela pele maqoetha, a bontลกitse hore mautloela a entse mosebetsi oo e seng oa ‘ona oa ho etsa lipatlisiso tsa litlolo tsa molao. Ba re Mookameli oa Mautloela o bontลกitse a batla mehala ea balli ho tla fuputsa botlokotse ba polao ea moqolotsi Ralikonelo Joki, ho hlatsuoa hoa chelete le hore Mofomobe o kena-kena le makunutu a mautloela ka ho amohela litaba tsa tลกireletso ho tsoa ho ofisiri ea mautloela – Pitso.
“Ha ho letona le phetseng hantle ka hloohong le ka tekenelang samane malebana le lipatlisiso tsa botlokotsebe ba ho hlatsoa chelete kapa polao ea motho.” Ho rialo Adv. Lephuthing.
Babuelli ba teketse lekhotla hore mafapha a fuoeng matla a ho etsa lipatlisiso tsa litlolo tsa molao ke mapolesa le Setsi sa Thibelo ea Bobolu le Bomenemne (DCEO ) feela. Ho feta mona, ba supa hore mautloela a loketse a shebane le batho ba lutlisang makunutu a tลกireletso e seng ba amohelang litaba tse joalo.
Leha ho le joalo, muelli oa ‘muso Adv. Moshoeshoe o ile a hlolosetsa lekhotla a itลกetlehile ka temana ea 26 ea Molao oa Mautloela. O ile a kholisa lekhotla hore samane e fanoeng hore mehala ea balli e nkoe e molaong ka hona e nkoe e nepahetse. Moahloli e Moholo o ile botsa hore na ke liofisiri life tse lutlisang makunutu mautloela, a bontลกa hore o utloa mautloela a le lefifing, a batla nale moferong. O re a batla ho fuputsa ba lutlisang makunutu ka mehala ea balli.
Adv. Moshoeshoe, akhente ea baikarabelli
Sakoane o behile ho akhente ea ‘muso hore mokhoa o bobebe e ne e le hore ba nke lifono tsa liofisiri tseo kaofela ‘me karabo ba ne ba tla e fumana kapele ho sa hlokahale hore ebe ba fetetse lifonong tsa batho bao e seng mautloela.
MAPONA-PONA A ROMETSOENG KA WHATSAPP
Moahloli Sakoane o ile a tjebela matjoing melaetsa ea WhatsApp e qhaelletsoeng bopaking ba Mookameli oa Mautloela.
“Melaetsa ena ea WhatsApp e qhoaelletsoeng bopakingย le lifoto (tsa mapona-pona) ha e na thuso; ha ke bone hore na ho thoe lekhotla le etseng ka eona.
“Ho ne ho sa hlokahale hore ebe re fuoe litaba tsa maratano mona, tsa batho ba etsang thobalano koana. Lekhotla ha le na thahasello ka ntho tsa maratano litabeng tsena.
Monghali Pheello Ralenkoane – Hlooho ea Mautloela
“Melaetsa ena ea WhatsApp ha ho moo e amanang le tลกireletso ea naha. Le re fa melaetsa ea WhatsApp le re re etseng ka eona? Melaetsa e meng mona ke moo molli (Mofomobe) a ipuelang ka litaba tsa sechaba tse neng li il’o tลกohloa ka Senateng. Makunutu a naha a hokae moo ka litaba tse tsejoang ke mang le mang?” Ho rialoย Sakoane.
Adv. Moshoeshoe o ile a botsoa hape hore na ke ka mabaka afe mautloela a belaelloang ho lutlisa makunutu a sa kang a behoa tlas’a leihlo, le ho mamela mehala ea ‘ona ha ho etsoa lipatlisiso ho fapana le ho amoha balli lifono tsa bona nako ea bolele ba khoeli. Ha a fetola Adv. Moshoeshoe o bontลกitse le eena e le motho, nako eo o bona e le telele haholo.
Ho sa le joalo,ย Sakoane o boetse a botsa Adv. Moshoeshoe hore na mabaka ao ka ‘ona fono ea Ithabeleng Pitso e sa nkoang joalokaha ho utloahala e le e mong oa ba ntลกang makunutu a tลกireletso ke afe, hape le hore ebe hobaneng a sa ka a qosoa. Karabo ea akhente e bile hore lipatlisiso ke hona li ntseng li tsoela-pele.
Adv. Christopher Lephuthing, ‘muelli oa Machesetsa Mofomobe
Moahloli Sakoane o ile a makalla Adv. Moshoeshoe hore ha ba tsebe hore na Shale o ne a ntse a bua le mang ho mautloela. A makalla taba ea hore samane e laetse hore mautloela a nke lifono tsohle tsa Shale le tsa batho ba bang tse ka fumanoang ho eena.
Sakoane o bile a tลกoaela hore lekhotla le ithuta hore makunutu a hlaha ho liofisiri tsa mautloela; ba li fa molli (Machesetsa). A re ha ba utloe moo mautloela a reng molli o utsoitse makunutu ao.
“Hoja le tlile mona le re bolella hore molli o utsoitse makunutu ao empa le re o a fuoe ke mautloela.
Litho tsa BNP le moetapele oa tsona lekhotleng
Litho tsa DC lekhotleng
“Molao oa boutloela o re mautloela a be le lekunutu, joale honajoale molli o ameha joang makunutung a ntseng a tsoa liofising tsa mautloela e se leutloela?” Ho botsa Moahloli e Moholo Sakoane.
Moahloli Sakoane o phethetse ka hore lehlakore la ‘muso le batla makunutu a ka fonong ea Machesetsa feela ba se ntse ba tseba hore na Machesetsa o buile eng le eng le setho sa mautloela Pitso. O itse ba se ntse ba tseba hore na o arolelane makunutu afe le Pitso.
“Joale le batla fono ea hae le e isa kae? Ke Sakoane eo.
Kamora hore mahlokore ‘ohle a teke likhang tsa ‘ona lekhotla le ile la re nyeoe e felile ‘me letsatsi la kahlolo le tla fanoa hamorao.
