MONYAKA OA JAZZ ALLIANCE FRANÇAISE
La 11 Phuptjane 2023
Mokhatlo oa Machaba oa tsa Thuto, Mahlale le Bochaba (United Nations Educational, Scientific and Cultural Organization – UNESCO) ka selemo sa 2011 o tšoaile letsatsi la 30 Motšeanong selemo le selemo e le la Machaba la ‘Mino oa Jazz.
Maobane setsi sa Alliance Française de Maseru se ketekile Letsatsi lena moo ho neng ho menngoe lihlopha tsa lehae tsa Jazz, mapatlelong a Ouh La La Café khubung ea toropo, Maseru.
Bhudaza Mapefane o ne a bina le sehlopha sa Origin Musiq maobane
Lihlopha tse ileng tsa thabisa letšoele le neng le bokane moo ke Poho-Peli Contemporary Folk Music, Matšoanafike Chamber Orchestra, Origin Musiq le Siphiwe The Poet. Bhudaza Mapeshoane le eena o ile a kenella a bina le sehlopha sa Origin Musiq.
Moqolotsi oa Leihlo la Basotho o bile le monyetla oa ho nonya mohlophisi oa mokete ebile e le mookameli oa Alliance Française de Maseru, Elisabeth Douillet.
Elisabeth Douillet le moifo oa bahlophisi
“Kajeno re keteka Letsatsi la Machaba la ‘Mino oa Jazz. Alliance Française e hlophisitse konsarete ena ka kopanelo le UNESCO. Re ne re memme lihlopha tse ‘ne le Jazz Club tse leshome.” Ho rialo Douillet.
Boha litšoantšo tsa sehlopha sa Matšoanafike Chamber Orchestra:
Ho tloha ho le lets'ehali, Vilolinists, Kamohelo Kutumela (Violin), Sanele Nhlabatsi, 'Malikese Makhalanyane le Busy Qhobelo (Cello) - Image - Mats'oanafike Chamber Orchestra,
Cello, Busy Qhobela
Violin, Sanele Nhlabatsi
Cello, Busy Qhobela
O tsoela-pele: “Mokete o ne o tšehelitsoe ke LNIG Hollard ‘me o hutse letšeare lohle kaha o qalile hoseng ka 11am ‘me o ne o lokela ho fela ka 5pm leha o harolohile hofihlela ka bo-5:45pm.
“Ke rata ho hopotsa Basotho hore mosebetsi oa mantlha oa Alliance Française ke ho tsebahatsa puo ea Sefora (French) hammoho le lipuo tse ling joaloka Sesotho. Re boetse re sebetsa ho phahamisa le ho ntlafatsa bochaba e leng ba Sefora ekasitana le bochaba ba Basotho.
“Ho etsa sena re memme libini tsa Basotho moketeng oa kajeno. E le ho tsebahatsa mokete ona re thusitsoe ke liea-le-moea tseo re nang le selekane le tsona e leng Sky Alpha Radio le se seng seea-le-moea sa North Africa. Re boetse re tsebisitse sechaba mokete ona ka tšebeliso ea marang-rang.
“Molaetsa oa ka ho bacha ke hore re kopaneng re tšoarane ka matsoho ho sa tsotellehe mohlobo kapa ‘mala oa rona. ‘Mino ke ntho ea bohlokoa hoba o fihlella ho batho bohle. Ho molemo hore re bine le ho tantša ‘moho.” Ke Douillet a hlalosa.
Boha litšoantšo tsa sehlopha sa Origin Musiq:
Vocals, Teboho 'Mugasti' Lemeke
Vocals, Teboho 'Mugasti' Lemeke
Vocals, Teboho 'Mugasti' Lemeke
Vocals, Teboho 'Mugasti' Lemeke
Vocals, Pama 'Ntate To'no' Phama
Vocals, Pama 'Ntate To'no' Phama
Vocals, Pama 'Ntate To'no' Phama
Vocals, Pama 'Ntate To'no' Phama
Drums, Moshe Moliko
Drums, Moshe Moliko
Drums, Moshe Moliko
Keyboards, Liphapang Paul Lebata
Keyboards, Liphapang Paul Lebata
Base, Thabo Zamkelo, Zwane
Base, Thabo Zamkelo, Zwane
Base, Thabo Zamkelo, Zwane
Guitar, Molise 'Tall Mo' Maledu
Guitar, Molise 'Tall Mo' Maledu
Guitar, Molise 'Tall Mo' Maledu
Guitar, Molise 'Tall Mo' Maledu
Babohi
“Batho ba bang ba nahana hore Alliance Française ke setsi sa Mafora feela kapa batho ba basoeu, empa ha ho joalo; setsi sena ke sa bohle.
“Hangata re tšoara mekete ea mahala mona joalolaka Ouh La La Festival ka Tšitoe, hammoho le mokete oa Fête de la Musique o tšoaroang ka Phuptjane. Batho ba lumelletsoe ho itlela meketeng ena. Hape ka Tlhakubele re ee re tšoare mokete oa Francophonie ho keteka puo ea Sefora le bochaba.” Mofumahali Douillet o kobella litaba tsa hae joalo.
