MALIBA O LOKOLLOA KA BEILI
Monna oa Mosotho, Thabiso Maliba (49), oa Matlatsoaneng, Khanyane, Hlotse, Leribe ea qosoang ka polao ea Ikhetheleng Matabane le Tšoana Molefe (‘Maserema ‘Makong) o lokollotsoe ka beile ea likete tse peli (M2000) ke moahloli Liepollo Makhetha oa Lekhotla le Phahameng la Maseru kajeno.
Bala litaba tse amanang le tsena ka tlaase:
https://leihlolabasotho.co.ls/2023/03/01/moshara-oa-naledi-o-khoba-sechaba-matsoafo/
https://leihlolabasotho.co.ls/2023/03/01/thabiso-madiba-khotla-ka-polao-ea-matabane-le-tsoana/
https://leihlolabasotho.co.ls/2023/03/02/tsa-polao-ea-matabane-pooaneng/
Moahloli Makhetha o behetse Maliba lipehelo tseo a lokelang ho ikobela tsona nakong eo a leng beileng. Har’a lipehelo ke hore a se kena-kenane le lipaki tsa ‘muso, a lefe M2000, a itlalehe sepoleseng le lekhotleng la Maseterata oa Hlotse.
Bafu ba ne ba ne ba thunngoe ka la 10 Hlakola 2023 ba ntlong ea thekiso ea lijo le mothamahane, The Deck. Maliba ke mookameli oa ‘moshara oa Naledi Funeral Planners ea neng a behelloe ka thoko ho mosebetsi ke boto ea tsamaiso kaha a belaelloa manyofo-nyofong a maholo kahara k’hamphani eo ka la 12 Pulungoana 2022.
