IEC E HLAKOLA MEKHA E SHOELENG
La 3 Phupu 2023
Komisi e Ikemetseng ea Likhetho (Independent Electoral Commission -IEC) e ntšitse phatlalatso ho tsebisa sechaba hore e ngolisitse mokha oa lipolotiki o mocha o bitsoang Basotho Pele (BP) o etelloang pele ke Monghali Zhen Shao.
IEC e boetse e tsebisa sechaba hore e hlakotse mekha ea lipolotiki e supileng e neng e ngolisitse le eona pele kaha e bonahala e shoele hlahla-le-bajoa. Mekha eo e supileng ke; Hamore Democratic Party (HDP), Tšepo ea Basotho (TEB), People’s Convention (PC), Alliance of All Basotho Victims (ABV), Mojalefa Development Movement (MDM), White Horse Party (WHP) le Senkatana Social Democrats (SSD).
Kamora ho hlakoloa hoa mekha ena e supileng ho be ho ngolisoe o le mong, palo ea mekha ea lipolotiki e ngolisitseng le IEC hajoale e fokotsehetse ho 59.
