MACHESETSA O TSOA PUO KA TS’OARO EA HAE
Ka Moipone Makhemeng
La 6 Pulungoana 2023
Moetapele oa Manashenale (Basotho National Party – BNP) mohlomphehi Machesetsa Mofomobe o re o fumane samane ea hore a tšoaroe ke sepolesa sa Lesotho kajeno.
Puisanong le Leihlo la Basotho shoalaneng ea kajeno, o bontšitse a se na leseli hore na ke ka tlasa mabaka afeng a fumants’oang samane ea hore a tšoaroe.
Ha a li beha o re: “Ke utloa ho thoe sekhakhatha sa mapolesa se fihlile mane ntlo-kholo BNP Center se ntse se mpatla. Ke utloa thoe ba re ke itlalehe hosane ka 8am hoseng ntlo-kholo ea sepolesa.
“Hosane hoseng ntho ea pele feela ke tla itlaleha mono.” Ke monghali Mofomobe eo.
Lintlha ka botlalo li tla tsebahala hosane ha mohlomphehi a se a itlalehile.
