TLALEHO EA SEPOLESA KA LEFU LA MAHOSI
La 1 Pulungoana 2023
Sepolesa se tlaleha hore ka la 29 Mphalane 2023 (lihoreng tsa shoalane) ho ile ha hlaseloa lelapeng la ’m’e ’Makhotso Mahosi Matala Phase 1, Maseru. Mahosi e ne e le mookameli Setsing sa Thibelo ea Likoluoa (Disaster Management Authority.
Tlaleho ea sepolesa e supa hore shoalaneng ea letsatsi leo ’m’e o ne a ntse a lutse ka kamoreng ea ho phomola le mora oa hae ea lilemo li 11 le mosali ea sebetsang lapeng moo ba shebeletse thelefishini.
Ho ile ha utloahala motho ea kokotang monyako eo ba ileng ba fumana hore ke moqhobi oa ’m’e Mahosi. Nakoana kamor’a hore a kene ka tlung ho ile hoa hlaha banna ba babeli ba neng ba hlometse ka lithunya. Ba ile ba suthumeletsa moqhobi kantle ba supa ’m’e ka sethunya ba batla chelete.
Ba ile ba mo khannela kamoreng ea ho robala. Ho khutleng hoa bona ha ba fihla ho eena kamoreng ea ho phomola, ba ile ba mo thunya ’moho le bana ba hae ba nt’o ikela.
Hamorao moqhobi o ile a fihla a tsamaea le mapolesa. Ho ile ha hlokomeleha hore ’m’e le mora ba se ba feletsoe ke bophelo ha mothusi oa bona a ile a nkeloa sepetleng moo a ileng a amoheloa.
Lipatlisiso tsa Sepolesa li ntse li tsoela-pele. Re se ntse re kopa sechaba ho thusana ka leseli le ka re phuntšang ntlo lesoba.
– LMPS
