NYEOE EA BAITHUTI BA FOKOTHI E KHAKHATHILE MAOBANE
Ka Moipone Makhemeng
La 19 Phupu 2023
Baithuti ba Lerotholi Polytechnic ba bile khotla maobane ho mamela nyeoe eo ba e ritetseng Lekhotleng le Phahameng, Maseru. Baikarabelli ka tatellano ke Lerotholi Polytechnic, National Manpower Development Secretariat (NMDS), Letona la Lichelete le Ntlafatso ea Meralo le Ramolao e Moholo oa ‘Muso.
Baithuti ba tseka hore Lekala la Lichelete le NMDS ba lefe mokoloto oa bona oa sekolofisi. Ba re ba tsebile motsotsong oa ho qetela hore ba kolota kakaretso ea M25, 471,574.00 ho sekolo. Ho bala litaba ka botlalo, penya FOTO.
Ba boetse ba batla hore ba fumantลกoe litsiane tsa khoeli le khoeli kaha ba ne ba fetetse khoeling e ncha ba ntse ba le sekolong. Ho feta mona baithuti ba tseka hore ho behoe letsatsi la la 31 Phupu 2023 e le la lihlahlobo tsa mapomelo. Thapeli e ‘ngoe ke hore lihlahlobo tse ileng tsa ngoloa ke sehlotลกoana sa baithuti li hlakoloe kaha boholo ba baithuti ba sa ngola.
Nyeoe e mametsoe ke moahloli Fumane Khabo. Ho bile le lipuisano lipakeng tsa mahlakore ‘ohle a amehang ho fihlela tharollo. Kamora lipuisano, ho fihletsoe qeto ea hore Lekala la Thuto le tla lefa chelete ea sekolofisi e kaalo ka M25 milone.
Ha nyeoe e tsoela-pele ‘muelli oa baithuti Adv. Lepeli Molapo, o ile a hlalosetsa lekhotla hore thapeli ea bona e amanang le sekolofisi ha ba sa kena ho eona ka lebaka la qeto e fihletsoeng. A re likhang li tla ba holim’a litsiane tse lokelang ho fuoa baithuti.
Adv. Molapo o boetse a tekela lekhotla hore nyeoeng ena ba tลกola Lerotholi Polytechnic kaha mapaki a bona a supa hore ba tsebisitse NMDS ka ho fetoha hoa alemanaka ea sekolo. A re sekolo se fane ka tsebiso ka nako empa ho bonahetse NMDS e le eona e tลกoereng litaba bohlasoa. O boetse a hlahisa kapela lekhotla hore ba kopa chelete ea litลกenyehelo tsa nyeoe.
![](https://leihlolabasotho.co.ls/wp-content/uploads/2023/07/Baithuti-ba-mametse-nyeoe-ea-bona-scaled.jpg)
Baithuti ba mametse nyeoe ka hloko
“Lerotholi Polytechnic e romelletse NMDS alemanaka ka la 1 Loetse 2022 ‘me ha ho na khang hore ba e fumane. Kahona ea etsetsoa likhakanyo tse tla fella ka la 18 Phuptjane 2023. Kamora moo e ile ea eketsa nako ‘me ea fana ka alemanaka e ‘ngoe e bontลกang hore selemo se secha se tla fela ka la 2 Phupu 2023.
“NMDS ha e ka ba araba. Nako ena e ne e le e utloahalang hore ba ikamahanya le maemo a litaba ebile e le pele ho selemo sa lichelete. Kahona, ke ‘muso o ileng oa hloka boikarabelo ‘me o lokela ho laeloa ho lefa.”ย Adv. Molapo o li tekile joalo.
Ho sa le joalo, ‘muelli oa ‘muso, Adv. Kananelo Khoboko o teketse lekhotla hore konteraka lipakeng tsa baithuti le NMDS e bontลกa hantle chelete ea litefello tsa thuto le litsiane tsa bona. O bontลกitse hore likhakanyo li etsoa ho ipapisitsoe le alemanaka ‘me ho fetela khoeling e ‘ngoe e sa kang ea hlaha ho bolela litลกenyehelo tse eketsehileng.
![](https://leihlolabasotho.co.ls/wp-content/uploads/2023/07/Adv.-Kananelo-Khoboko-muelli-oa-muso-scaled.jpg)
Adv. Kananelo Khoboko, ‘muelli oa ‘muso
Ha a kena tabeng ea alemanaka e fetohileng o li behile tjena; “Taba ea alemanaka e ntlafalitsoeng e tlisitsoe feela ka nako ea libeke tse peli eo e neng e le nako e sa utloahaleng ea ho fetola likhakanyo. Ha ho na chelete ho hang. Ha ho na moo re ka fumanang chelete teng kaha le chelete e ka bang teng e se ntse e le ea selemo se tlo qala feela.” Adv. Khoboko o hlakisetsa lekhotla.
Ho feta mona, tlhahiso ea hae e bile hore kopo e qhaloe. A fana ka lebaka la hore sena se tla baka hore likolo li etse liphetoho feela hara nako ntle le ho sheba litla-morao tse ka bakoang ke ketso e joalo. A bontลกa ha taba eo e tla baka mathata a moruo.
![](https://leihlolabasotho.co.ls/wp-content/uploads/2023/07/Adv.-Lepeli-Molapo-ea-emeng-ke-muelli-oa-baithuti-scaled.jpg)
Adv. Lepeli Molapo (ea emeng) o buella baithuti
Lebitsong la Lerotholi Polytechnic, Adv. ‘Maseabata Mpo o behile kapele ho lekhotla hore baithuti le haele mona Lekala la Thuto le bontลกitse hore le tla lefa mokoloto oa sekolofisi, ba sitoa ho fihlela tumellano ea ho tsoela-pele ka lihlahlobo ntle le litlhapiso. O bontลกitse sekolo se se na boikarabello tabeng e joalo.
“Sekolo se phethile mosebetsi oa sona oa ho fana ka thuto. Ha se na boikarabello litabeng tsa lichelete le konteraka e lipakeng tsa baithuti le NMDS. Lihlahlobo li tla tsoela-pele ‘me li se li chechiselitsoe morao ka beke tse peli.” Adv. Mpo o bolella lekhotla.
O boetse o latotse hore NMDS e fumane tsebiso ka ho fetoha hoa alemanaka ka libeke tse peli. Kamora hore lekhotla le khefutse, o ile a fa lekhotla bopaki ba puisano ea lengolo, lehoja Adv. Khoboko a bontลกitse hore ho bonahala e tlile ka Tlhakubele empa a re nako ea kabo ea lichelete e ne e se e fetile.
Nyeoe e tla tsoela-pele hape ka la 20 Phupu 2023.