KEREKE E K’HATHOLIKI E OELA KA PHATLA
Ka Moipone Makhemeng
La 18 ‘Mesa 2023
Kereke e K’hatholike e tlalehoa e oele ka phatla kamora hore setho sa kopano ea Obletes of Mary Immaculate, Fr. Masakale John Mphachane O.M.I (35) a timele bosiu ba maobane. Litaba li supa hore Moprista o amehile kotsing ea koloi Ha Buasono, Ha Majara, Berea. Koloi ea Fatere e bontša e khobehile hampe kapele (sheba setšoantšong) ka tlasana mona).
Ho sa le joalo, Father Clement Tampane oa ‘Mishone oa Maria ‘Mabasotho moo mofu a neng a sebetsa o tiisitse litaba tsena. O hlalositse hore Fr. Mphachane o ne a hlaha Leribe eaba koloi ea hae e thulana le e ‘ngoe ‘me ka masoabi eena a hlokahala. “Ke soabile feela ebile ke khathetse matla. ” Fr. Tampane o rialo, a saretsoe ke litaba tsena.
Koloi eo Moprista a neng a tsamaea ka eona
