MOKHATLO OA LIAKHENTE O KHETHA KOMITI E NCHA
La 27 Mots’eanong 2023
Mokhatlo oa Liakhente tsa Lesotho (Law Society of Lesotho) o tla tšoara seboka sa khohola-koqo (Annual General Meeting) ka la 2 – 3 Phuptjane 2023 Selibeng Conference Centre, Ha Motloheloa, Maseru.
Kopanong ena ho lebeletsoe ka mahlo a matala khetho ea komiti e ncha ea mokhatlo. Tebello ke hore komiti e tšoereng tšebetso hajoale e tla fana ka litlaleho tsa tšebeliso ea lichelete ea mokhatlo ekasitana le ho shebisana phano ea mosebetsi oa bahlohlobi ba lichelete ba tlil’o hlahloba libuka tsa mokhatlo. Hajoale mopresitente oa mokhatlo ke Adv. Tekane Maqakachane.
Litho li tla boela li amohele setšoantšo sa molao sa liakhente tsa Lesotho (the Lesotho Legal Practice Draft Bill, 2023) le ho shebisana methati e tla lateloa ho bona hore se fetoha molao. Sehlohlolo sa phutheho e tla ba khetho ea komiti moo Adv. Fusi Sehapi le Adv. Lintle Tuke e leng baiketi setulong sa bopresitente ba mokhatlo.
