π ππ§ππππ‘π π’ ππ π’ππππ ππ’ππ¨ππ-π¦ππ§π¨ππ’ ππ π¦πππ¨
La 29 Phuptjane 2023
Naha ea Lesotho e khethiloe ho nka bolula-setulo ba mokhatlo oa selekane sa moruo, Southern African Customs Union (SACU) ‘mokeng oa lihlooho tsa linaha o bileng Mandvulo Grand Hall, Lozitha, Eswatini.
Mokhatlo oa SACU o bopiloe ka linaha tse hlano; Botswana, Lesotho, Namibia, Afrika Boroa le Eswatini. Mokhatlo o thehiloe ka 1889 ke ‘muso oa Cape Colony le oa Orange Free State. Lesotho le Botswana e bile litho ka 1891. Sepheo sa mantlha ke ho sebetsa ‘moho hoa linaha tseo e leng litho moruong.
Khetho ea Lesotho e bile kajeno empa e tla nka bolula-setulo ka molao ka la 15 Phupu 2023. Motlotlehi Mswati III o nehelane ka marapo a bolula-setulo moketjaneng o bileng kajeno kaha bolula-setulo e ne e le ba Eswatini.
“Re thabile haholo ‘me re lebeletse hore isao naha ea Lesotho e tla re amohela ‘mokeng ona.” Ho rialo Motlotlehi Mswati.
Ha a amohela lesokoana, tona-kholo Sam Matekane o ile a leboha Motlotlehi Mswati ka tΕ‘ebetso ea Eswatini nakong ea bolula-setulo ba eona.
“Ke rata ho supa hore Motlotlehi Mswati o bile le rona lipuisanong tsena ‘me a re supisa tsela ekasitana le ho fana tΕ‘upa-tsela nakong eo Eswatini e neng e le molula-setulo. Rea mo leboha ka bohlale le tataiso e re thusitseng ho tΕ‘oara seboka sena ‘me o re buletse tsela le bokamoso.”
“Ke tiisa mona hore tona-kholo ea ‘muso oa Lesotho e amohelang lesokoana kajeno ho tsoa ho Motlotlehi Mswati, e tla bona hore litΕ‘iea tsa SACU li’a baballoa.” O rialo Matekane.
O bile a tiisetsa lihlooho tsa linaha hore naha ea Lesotho e tla sebeletsa ho ntlafatsa likatleho tsa SACU ka ho kenya tΕ‘ebetsong maano a joale haholo a tlo jeoa lefa ho ‘muso oa Eswatini.
“Re ananela tema e khathiloeng ho tloha ha ho kenngoa tΕ‘ebetsong maano a selemo sa 2022 – 2027. Re lebeletse hore re tla fihlela likatleho tse ling ka nako e sa felising pelo. Ho na le maele puong ea heso a reng tlou ha e hloloe ke moroalo. Kahoo ke na le tumelo e phethahetseng hore re na le bokhoni ba ho isa SACU pele.” O phethela joalo Matekane.
Pele a theoha kalaneng Matekane o ile a fetisa liteboho tsa hae ka kamohelo e mofuthu eo ba e fuoeng ke Maswati: “Ntumelleng ke nke monyetla oa ho fetisa liteboho tsa rona ho Motlotlehi Mswati III, ‘muso oa hae le sechaba sa mona. Ba bontΕ‘itse kamohelo e mofuthi ekasitana le bosebeletsi bo tsoileng matsoho.
O ile a phatlalatsa hore ‘moka oa borobong oa SACU o tla tΕ‘oareloa Lesotho ka Phuptjane 2024.
– Eswatini Positive News
