π π’πππ’π§ππ¨ π’ π§π¦π’π π£π¨π’ ππ π§ππππππ‘π’
Ka moqolotsi oa rona
Moetapele oa Democratic Congress (DC), Mathibeli Mokhothu o re o tΕ‘oenyehile haholo ke sekhahla sa litlhalano kahara malapa. O re o lumela hore mafumahali ke ‘ona a lokelang ho hlomellana ka poloko ea manyalo.
Mokhothu o ne a bua kajeno a bula ka molao seboka sa likhetho tsa komiti ea mafumahali a DC Matsieng kajeno.
“Haeba ntho e teng e hlasetseng mafumahali ke litlhalano malapeng mane ‘me ha re na bokanya mafumahali ebe re bua ka lipolotiki tse sa ba thusing bophelong ba bona. Ke bona taba ena e lekana hore e-be e ‘ngoe ea mesebetsi e meholo ea lekhotla la mafumahali hore le kenye thuto, lithupelo hore mafumahali a rutoe ka ho aha le ho boloka manyalo.
“Lenyalo ha se potele e khoathoang ka lehlaka; le fumaneloa thateng morao tjena. Mafumahali a mangata empa banna ba fokola ka palo. Ha u se u fumane lenyalo u lekana ho tseba hore na u ka le boloka joang.
“Mafumahali a tlameha hore a tsoe ka lipitiki a tsebe ho ea ipuoa, a otle sekupu ka mokhorong, a thakelane malebela hore na monna o bolokoa le ho tΕ‘oaroa joang ka sebopeho sefe. Ba lokela ba lemosoe hore na ntho e ka tlosang monna ho mosali ke efe e le hore ba tsebe ho phela hantle ka khotso ba boloke manyalo a bona.
Mokhothu o bile a bua ka bohlokoa ba hore mafumahali a lokela ho ba le khotso le mekhatlong ea mafumahali. A re DCΒ e lokela ho qala hona joale hore na mesebetsi ea boitjaro ea kholiso ea moruo ke efe. A khalemella basali ho buana hampe le ho fehla lehloeo mahareng a bona.
O bile a ba khothaletsa ho kena kereke, a re ba kenang kereke ba halalela. “Mosali o tΕ‘oana le hlaku ea mosetereta. Jesu o re ke hlaku e nyenyane ho lipeo tsohle empa ha e holile e siea meroho e meng; e fetoha sefate moo linonyana tsa leholimo li tlang ‘me li ahe makaleng a sona.” Mokhothu o rialo.