SAMSUNG E BULA OFISI LESOTHO HAPE
Ka moqolotsi oa rona
La 31 Mots’eanong 2023
Kompone e kholo ea lifono le lithepa tse ling Samsung e butse ofisi ka Seteishining, Maseru ho tla thusa Basotho ka mathata a lihlahisoa tsa Sumsung ka ho fapana. Ho ea ka phatlalatso ea Samsung ofisi ena e buloa lekhetlo la bobeli kaha ea pele e ile ea koaloa kaha eona e ne e sa fihlele litlhoko tsa Basotho bohle.
Tlaleho e re ofisi e ncha e reretsoe ho bulela Basotho bohle mamati ho fumantšoa litšebeletso ka mathata a lihlahisoa tsa Samsung ka mefuta ea tsona; e ka ba lifono, lithelefishini, lihatsetsi le tse ling.
“Boitlamo ba rona ke ho fa bareki litšebeletso tse tsoileng matsoho kamehla.
Leha tšebeletso ena e le ncha re batla ho bontša hore ehlile re tsotella bareki ba lihlahisoa tsa rona. Re boetse re ikemiselitse ho bula botseteli bakeng sa batho ba litsebo.” Ho hlalosa moemeli oa Samsung Afrika Boroa, Paul Croll.
“Re utloisisa hore bareki ba lihlahisoa tsa rona linaheng kapa mebarakeng e fokolang le bona ka ho tšoana ba lokela ho fumana litšebeletso tse tšoanang.” Croll o fera joalo.
Ofisi e butse mesebetsi ho Basotho [Photo – Facebook}
Samsung e re Basotho ba ka isa thepa ea bona ea lokisoa ho sa hlokahale hore ba tšelele Afrika Boroa.
Thepa e tla lokisoa e kenyeletsa lifono, lithelefishini le thepa eohle ea Samsung.
