DR. MORAI O TS’OARA MOKOBOBO E LE MOOKAMELI OA SEPOLESA
Ka moqolotsi oa rona
La 23 Hlakola 2024
Bookameli ba sepolesa kajeno bo ntšitse phatlalatso ea hore mohlahlami oa sepolesa, DCP Dr. Mahlape Morai o hlomamisitsoe e le mookameli oa sepolesa ea tšoereng mokobobo. Phatlalatso e re Dr. Morai o tla tšoara mokobobo ho tloha hosane – la 24 Hlakola 2024.
Mookameli oa sepolesa oa mehleng, monghali Holomo Molibeli o leba phomolong kamora hore konteraka ea hae ea tšebetso e fihle pheletsong. Leihlo la Basotho le lekile ho batla lehlakore la sepolesa ho raliphatlalatso, Kabelo Halahala malebana le lengolo le phatlalatsang phetoho ena empa h’a ka araba mohala.
