CBL E HANA CHELETE EA BOSHOLU
Chelete ea Afrika Boroa ea bosholu e bonahala e ntse e potoloha kahara naha ea Lesotho ’me Banka e Kholo (CBL) e laetse hore bahoebi ba se amohele chelete ena. Ho bonahala chelete e na le matheba kapa maqapha-qapha a enke e tala kapa e putsoa. Sechaba le sona se hlokomelisoa hore le sona se tlalehe chelete ena ha se e bona kaha chelete e matheba eo e ke ke ea amoheloa libankeng tsohle tsa Lesotho bakeng sa ho fuoa e nepahetseng.
CBL e hlalosa hore chelete ena e tlotsuoe ka enke e fumanehang mechining ea tobetsa (ATMs) le makoloing a tsamaisang chelete. Hangata ha masholu a utsoa chelete eo, eba enke e qhatsehela holima eona mohlomong ho e beha lets’oao la hore ke ea bosholu.
Polelo ea CBL e baleha joana mabapi le chelete ena:
Polelo ea CBL
Ho sa le joalo, Sepolesa sa Afrika Boroa se tšoere monna oa Lesotho ea lilemo li 35 le banna ba babang ba babeli, oa Mozambique ea lilemo li 28 hammoho le oa Afrika Boroa ea lilemo li 45 ka pelaello ea ho qhomisa mochini oa tobetsa Tembisa, Gauteng. Ho bona ho fumanoe chelete e tlotsuoeng ke enke le lithunya tse seng molaong.
Chelete e tlotsuoeng ke enke (Foto ka SAPS)
