AFRI SKI E KOETSOE
La 17 ’Mesa 2023
Setsi se neng se sebetsa ka Maloting ho fehla lehloa le ho amohela bahahlauli, Afri Ski Mountain Resort, se koetsoe. Sena ke ho ea ka phatlalatso e lokollotsoeng ke k’hamphani ena kajeno. Afri Ski e ne e le sebakeng sa Mahlasela, Mokhotlong.
“Re masoabi ho le tsebisa hore ka mabaka a ke keng a qojoa, Afri Ski e koetsoe ho tloha kajeno ka la 14 ’Mesa 2023 hofihlela phatlalatso e ’ngoe e ka etsoa. Re ikemiselitse ho lula re le beile sehlohlolong sa litaba ho le tsebisa ka lietsahala tabeng ena ’me re tla etsa tsohle tse matleng a rona ho leka ho bebofatsa maemo a ka bang bolutu le bosula ho bafani ba rona ba litšebeletso.
“Setsi sa boroko sa Oxbow se ntse se butsoe bakeng sa maroko sebakeng seo – kahona re ikopela tšoarelo ho baeti ba rona ba kamehla ka tšitiso ea bakiloeng ke sena.
“Re lakatsa ho leboha tšehetso ea lona le ho utloisisa maemong ana a boima.” Ke polelo e baleha joalo.
