METSAMAO EA SECHABA E’A KHINOLLOA
La 25 Motšeanong 2023
Mookameli oa sepolesa sa Lesotho, monghali Holomo Molibeli o phatlalalitse shoalaneng ea kajeno thelefishining ea ‘muso hore ho khina metsamao ea batho ho hutsoe ho tloha ka la 26 Motšeabong 2023.
“Ke le mookameli oa Sepolesa, ke phatlalatsa mona hore ho khinoa hoa motsamao ho tla huloa ho tloha hosane ka Labohlano la la 26 Motšeanong 2023.
“Sechaba se tla hopola hore re ile ra phatlalatsa ho khinoa hoa metsamao pejana ka lebaka la botlokotse bo neng bo jele setsi haholo-holo lipolao tsa batho.
“Tsatsing lena sechaba se khabane ke hlaha mona ho leboha ka tšebelisano-‘moho e bileng teng lipakeng tsa sepolesa, mafapha a mang ekasitana le sechaba ka kakaretso.
“Re elelletsoe re le sepolesa hore lipolao tsane tse neng li jele setsi, mohlomong libareng le libakeng tse ling tsa boithabiso li batla li fokotsehile.
“Re tla phatlalatsa manane hore na lipalo li eme joang papisong leha metsamao e ne e khinnoe leha e ne e sa khinoa hamorao.
“Re rerile hore ho ea pele joale re akofise matšolo a rona, re le sepolesa, le mafapha a mang. Re boetse re tlo sebetsa ka matla le bo-‘m’e le bo-ntate ba mahokela metseng mane ho fenya litlolo tsa molao.
“Sechaba se khabane taba ena ea litlolo tsa molao e balehisa batsetseteli, re kopa hore re le sechaba se re sebelisane ‘moho ho fenya botlokotsebe.” Monghali Molibeli o fera puo ea hau joalo.
