TONA-KHOLO E AMOHELA MASOLE SEMMUSO
Ka Moipone Makhemeng
Naha ea Lesotho e ile ea romela masole a ka bang 120 naheng e hometsoeng ke marabele ea Mozambique ka Phato 2021 ho ea loantša marabele a neng a hapile porofinsi ea Cabo Delgado ‘me ba fetoloa ka Phuptjane 2022 hoa romeloa lebotho le leng, lona le laoloa ke Commando Lieutenant Colonel Malefetsane Makhoahle.
Molaoli oa Lebotho le khutlileng ke Colonel Tefo Ramosiee, kajeno lebotho leo le ile la amoheloa semmuso boteng ba tona-kholo Sam Matekane le matona a mang joaloka motlatsi oa tona-kholo, Mohlomphehi Nthomeng Majara, letona la bophelo, Mohlomphehi Selibe Mochoboroane ekasitana le mohlomphehi Lebona Lephema, letona la Puso ea Libaka le Borena, Lekala la Lehae le Sepolesa.
Boha lifoto ho Slide Show li ea latela:
Tona-kholo Sam Matekane
Tonakholo Sam Matekane
Lit. General Mojalefa Letsoela
Colonel Tefo Ramosiee
Tona-Kholo le molaoli oa sesole
Tona-kholo le masole
Tona-kholo le masole
Sehlopha sa liphala sa LDF
Molaoli oa sesole le tona-kholo
Molaoli o lumelisana le motlatsi oa tona-kholo
Sam Matekane
Mohlolohali o amohetse khau lebitsong la mofu monn'ae
Masole a tsoang Mozambique
Masole a tsoang Mozambique
Masole a tsoang Mozambique
Masole a tsoang Mozambique
Masole a tsoang Mozambique
Masole a tsoang Mozambique
Tona-kholo Sam Matekane le masole a tsoang Mozambique
Masole a tsoang Mozambique
Masole
Major General Matobakele
Lit. General Letsoela le batlatsi ba hae
Lihoba tsa LDF
Letona la Bophelo, Selibe Mochoboroane le Letona ofising ea tonakholo Limpho Tau
Lesole
Koloi ea ntoa
E mong oa bahlolohali ba masole ntoeng ea Mozambique
Bahlomphehi le masole
Colonel Boni Matomane (right) ho hlaha SANDF
Bahlomphehi le masole
Molaoli oa Sesole, Lieutenant General Mojalefa Letsoela ha a bua tšebeletsong ena o ile a amohela masole a tsoang Mozambique kaha ‘a ile a fuoa thomo a koenya matsoalo a jara mekoatja ho ea e hlanaka leha lebotho leo le khutlile le sa fella’ hoba lesole le leng le ile a tšoaroa ke lefu la malaria – Commando Private Moalosi Khoaele. Letsoela o bile a isa tlhompho ho masole a Lesotho a oeleng moleng oa ntoa Mozambique ’me ke masole a mararo ka palo. Commando Corporal Lebohang Mofoka o ile a shoella kotsing ea koloi athe Commando Private Lebuajoang Nonyana eena o ile a oela moleng oa ntoa kamora ho thunngoa ke marabele.
Tšebeletsong ea kajeno, tona-kholo Sam Matekane o ile a etsa puo a leboha tšebetso ea lebotho la Lesotho ho tlisa khotso Mozambique. A bontša hore e le ‘muso ba motlotlo ho amohela lebotho leo kaha le phethahalitse mantsoe a Basotho a reng ‘sentle ke ho boea le marumo’. A supa hore paramente ea Lesotho e ile ea etsa qeto e mahlonoko ho romela masole a Lesotho ho ea jela phate Mozambique ka Phato 2021.
“Ke leboha sechaba sa Basotho kaha se ile sa thoholetsa lebotho la naha hammoho le baruti ba neng ba lula ba beha masole a rona merapelong.” Ke Matekane a beha puo a bile a supa hore ba tlo tsoela-pele ho romela masole a mang Mozambique hofihlela ho ba le khotso Mozambique.
O itse ba ntse ba sebetsana le ho lefa masole ao meropotso e ileng ea salla morao ‘musong o fetileng. A re ba tlo bona hore na ba tlo leboha masole ao joang mafelong a khoeli ea bone kapa ea bohlano, a re ena ke tšepiso e ikemetseng e fapaneng le tse entsoeng pele.
Kamora puo ea hae, Matekane o ile a abela masole a tsoang Mozambique likhau.
Molaoli oa lebotho le amoheloang, Colonel Ramosiee, o ile a etsa puo e jereng bohloko ka boemo bo boima boo masole a Lesotho a sebetsang tlas’a ‘ona Mozambique. O ile a beha puo ea hae ka tsela ena:
“Ke ile ka fuoa taelo ke molaoli oa sesole, a re ke ee le masole a Lesotho Mozambique, a re ho ‘na ‘e-ea le bona u khutle le bona ba ntse ba phela.’ Re kene Mozambique ra ipatlela tsohle, ra batla information ra e fumana. Empa ka lebaka la naha ena ea bo-rona eo ke e ratang empa hamorao tjena empa ho elelleha hore bohle ba phelang ho eona ba e tsohetse matla. Re e tsohetse matla ho sisinya metheo ea eona.
“Re lekile ka hohle ho tlisa khotso sebakeng seo hoba ho ne ho se na sekolo ho sa uoe masimong. Re tlohile mono re siea bo-mphato maemo a se a batla a tsitsitse kaha ho se ho uoa likolong le masimong.
“Ke leboha Basotho bohle ka tšehetso le ka lithapelo, a re likoloi tsa bona li ne li phethoha ba phonyoha ka mohau feela. Re sebelitse feela batho bano ba ntse ba tsoela pele ho khabela batho.
“Banna bana ba heso ba sebelitse lepatlelong la ntoa; ba entse tsohle ha ke belaele feela ke sitiloe ho ba hopolela hobane tse ling tsa li-principle tsa sesole ke hore masole ha ke a okametse ke loketse ho bona hore ba ba le li-benefits, ba ba le ntho e ‘ngoe le e ‘ngoe, ba be le morale empa lehlakoreng leo ke feitse. General Sir, taba tsena re li siea matsohong a hau hoba rona re masole, re ea pele, re ntse re loana.
“Tabeng ena ea hore ke hlotsoe ho arabela litlhoko tsa banna bana ruri e le mathata. Motho o tloha Mozambique a khutlela mona Lesotho, ke e bua feela ha se patuoe. Motho a tle mona a lo batla mokitlane bankeng hore bana ba tsebe ho ea sekolong. A siee ntoa a le kahara mission oa mofuta oo? History will judge us.”
“Banna ba heso re lokela ho phomotsa banna bane, tseo lintho ha se tsa lona, hoa lona ke ho loana. General Sir, batho bana ha ba na letho, banna bana leha ba hlaeloa ke likotsi mane ntoeng e se e le taba ea malapa a bona ho sebelisoa lichelete tsa malapa.
“Nthoena e bohloko hoba re sebetsa le linaha tse ling mane, rea qoqa. Naha ea rona e re beile boemong bona. Ho ea Mozambique hoa rona ha ho’a lokela ho hlokisa naha Lesotho botsitso. Le khale ha hoa lokela ho ba joalo.” Colonel Ramosiee o phethetse joalo.
