ย NTSIE O AHLOLOA LILEMO TSE 21 CHANKANENG
Leihlo la Basotho – La 25 Hlakola 2023
Monna oa Sehlabeng sa Thuathe, Berea, Habofanoe Lephuthela Ntsie o ahloletsoe ho hoehla chankaneng lilemo tse mashome a mabeli a motso o mong (21) ke moahloli oa Lekhotla le Phahameng la Lesotho, ‘Maseforo Mahase ka la 23 Hlakola 2023.
Moahloli ‘Maseforo Mahase
Moqosuoa o ne a qosoa ka ho thunya banna ba babeli ba Sehlabeng sa Thuathe; Habaka Mahao le Souru Masupha bao a ileng a ba thunyetsa lefu Khorong ea Ha Ratลกosane, Maseru ka la 30 Pulungoana 2004. Ntsie o ile a qosoa ‘me a fumanoa a le molato.ย Mohla a neng a balloa kahlolo o ne a balehele Afrika Boroa hofihlela a qhautsoa a khutlisetsoa Lesotho ka Tlhakubele 2022.
Qosong ea pele Moahloli Mahase o mo ahloletse ho hlola lilemo tse 20 toronkong eaba qosong ea bobeli a mo ahlolela tse 21. Mahase o laetse hore likotlo tsena li tsamaee ‘moho ‘me Ntsie o tla hoehla lilemo tse 21 setsing sa tlhabollo ea batลกoaruoa. Letsatsing la kahlolo, โmuelli oa moqosuoa Adv. RG Makara o ile a nyahlatsa Ntsie nakong eo moahloli a neng a mo laela ho kopela โmuelloa mohau pele kahlolo e oela. Ka ho tsโoana, nakong eo moahloli a reng moqosuoa a ikopele mohau, o ile a hana ka le reng a ke ke a etsa joalo a se na โmuelli. O boetse a re a ke ke aย kopa mohau hoba lekhotla ha le e-sโo mo joetse hore o molato. Qeto ea moahloli e ile ea ba ho mo lahlela toronkong ho sa natsehe tseo.
