TAKANE KHOTLA KA TEKO EA POLAO
La 1 Hlakola 2024
Ka moqolotsi oa rona
Lekhotleng la ‘Maseterata Ha Motjoka, Berea kajeno, ho hlahile monna oa Mosotho, Teboho Takane (35) oa Khubetsoana, Ha Hlathe Majara, Berea ea lulang Sekamaneng, hona Berea a qosoa ka teko ea polao ea motho ka maikemisetso.
Lekhotla ha le mo balla qoso le re ka la 26 Pulungoana 2023, a le Sekamaneng, Berea kapa haufi le teng o ile a hula sethunya sa hae ka morero oa ho thunya monga malaene ao a lulang ho ‘ona; monghali Limo Limo, a mo supa ka sethunya.
Eka o ile a leka ho thunya empa sethunya sa farela makhetlo. Qetellong sa tšoela kulo e ileng ea leba ho Limo empa ea mo fosa. Qabang e tlalehoa e hlahile moo monga malaene a neng a re moqosua a pake koloi ea hae sebakeng se nepahetseng.
Ho sa le joalo, ‘Maseterata o lokollotse Takane ka beile ea M600, a ba mo laela hore a itlhahise lekhotleng nako eohle ha le mo hloka ekasitana le ho se kena-kenane le lipaki.
